کینیڈا میں 21 سالہ بھارتی طالبہ ہرسمرت رندھاوا کی فائرنگ میں 4 ماہ قبل موت ہو گئی تھی۔واقعے کے بعد ایک شخص کو گرفتار گیا ہے۔ گرفتار شخص پر قتل کا الزام ہے۔ سی بی سی نیوز نے قائم مقام جاسوس سارجنٹ ڈیرل ریڈ کے حوالے سے ایک پریس کانفرنس میں کہا کہ ہیملٹن پولیس نے منگل کو 32 سالہ ملزم جیرڈین فوسٹر کو نیاگرا فالس، اونٹاریو سے گرفتار کیا اور اس پر قتل کے ساتھ ساتھ قتل کی کوشش کے تین الزامات عائد کیے گئے۔
طالب علم فزیو تھراپی کا کورس کر رہی تھی:
ہرسمرت رندھاوا موہاک کالج میں فزیو تھراپی کا کورس کر رہی تھیں اور دوسرے سال کی طالبہ تھیں۔ رندھاوا کو 17 اپریل کو اس وقت گولی مار دی گئی جب وہ اپر جیمز اسٹریٹ اور ساؤتھ بینڈ روڈ کے چوراہے پر بس اسٹینڈ کے قریب کھڑی تھیں۔ طالب علم کو گولی لگنے کے بعد اسپتال میں داخل کرایا گیا تھا لیکن بعد میں وہ دوران علاج دم توڑ گئی۔ معلومات کے مطابق بھارتی طالبہ بس سے اترنے کے بعد سڑک پار کرنے کھڑی تھی کہ اسے گولی مار دی گئی۔
پولیس نے کیا کہا؟
سی بی سی نیوز نے رپورٹ کیا کہ چار کاروں میں کم از کم سات افراد کے درمیان کسی بات پر تنازع ہوا،اس دوران قریب کھڑی ہرسمرت کو گولی لگ گئی۔ اس نے جمعرات کو ریڈ کے حوالے سے کہا، "ہرسمرت ایک مقامی جم سے گھر جا رہی تھی جب اسے گولی مار دی گئی اور اس کی موت ہو گئی۔ اس معاملے میں کسی اور کو گرفتار نہیں کیا گیا ہے۔ ریڈ نے کہا، "تفتیش ابھی جاری ہے اور ہم اس معاملے میں ملوث تمام افراد کی شناخت، سراغ لگانے اور گرفتار کرنے کی ہر ممکن کوشش کریں گے۔
