آسام میں بی جےپی کی لگاتار تیسری مرتبہ نئی حکومت تشکیل دینے کی راہ ہموار ہوگئی۔ آسام کے سی ایم ہمنتابسواسرما نے کہا کہ نئی حکومت کی11مئی کےبعد حلف برداری ہوگی۔
سی ایم نے گورنر کو پیش کیا استعفیٰ
آسام کے وزیر اعلی ہمانتا بسوا سرما نے بدھ کو گورنر لکشمن پرساد اچاریہ کو اپنا استعفیٰ پیش کرنے کے بعد نامہ نگاروں سے بات کی ۔ سرما نے کہا کہ الیکشن کمیشن نے اسمبلی انتخابات کے نتائج کو باضابطہ طور پر مطلع کیا ہے، جس کے بعد انہوں نے جمہوری روایات کے مطابق اپنی وزراء کونسل سے استعفیٰ دے دیا۔
اسمبلی تحلیل کرنے کی سفارش
سرما نے کہا۔"الیکشن کمیشن نے باضابطہ طور پر نتائج کا اعلان کر دیا ہے اور گورنر کو نوٹیفکیشن پیش کر دیا ہے۔ اس کے فوراً بعد، میں نے بطور وزیر اعلیٰ اپنا استعفیٰ پیش کر دیا اور موجودہ آسام قانون ساز اسمبلی کو تحلیل کرنے کی بھی سفارش کی،"
نگران کار حکومت
۔انہوں نے مزید کہا کہ گورنر نے دونوں سفارشات کو قبول کیا اور سبکدوش ہونے والی وزارت سے کہا کہ وہ نگران حکومت کے طور پر اس وقت تک کام جاری رکھے جب تک کہ نئی وزارت چارج نہیں لے لیتی۔انہوں نے کہا کہ ہم اس عبوری دور میں بطور نگران حکومت جاری رکھیں گے جب تک کہ نئی حکومت نہیں بن جاتی۔
11 مئی کو نئی حکومت کی حلف برداری
انہوں نے کہا۔تاہم، سرما نے اشارہ دیا کہ حلف برداری کی تقریب 11 مئی سے پہلے نہیں ہوگی۔ "میں نے 12 مئی کے بارے میں بات چیت سنی ہے، اگرچہ میں اس تاریخ کی باضابطہ تصدیق نہیں کر سکتا۔ لیکن میں یہ کہہ سکتا ہوں کہ نئی حکومت کی تشکیل اور حلف برداری 11 مئی کے بعد ہوگی،" ۔
نو منتخب بی جےپی ایم ایل ایز کی میٹنگ، لیڈر کا انتخاب
وزیر اعلیٰ نے کہا کہ بی جے پی لیجسلیچر پارٹی کی ایک میٹنگ بی جے پی کے سابق قومی صدر جے پی نڈا اور ہریانہ کے وزیر اعلیٰ نایاب سنگھ سینی کی موجودگی میں منعقد کی جائے گی، جنہیں مرکزی مبصر کے طور پر مقرر کیا گیا ہے۔انہوں نے کہا کہ بی جے پی لیجسلیچر پارٹی اپنے لیڈر کا انتخاب کرے گی، جس کے بعد این ڈی اے کی میٹنگ حکومت بنانے کا دعویٰ کرنے سے پہلے امیدوار کی باضابطہ توثیق کرے گی۔
گورنر کی جانب سے حکومت سازی کی دعوت
"گورنر پھر منتخب لیڈر کو وزارت بنانے کے لیے مدعو کریں گے۔ یہ آئینی اقدامات مکمل ہونے کے بعد ہی نئی کابینہ کی تشکیل کے بارے میں فیصلے کیے جائیں گے،" سرما نے مزید کہا۔انہوں نے کہا کہ لیجسلیچر پارٹی میٹنگ کی تاریخ کا اعلان بی جے پی کی مرکزی قیادت جلد ہی کرے گی۔
این ڈی اے کوبھاری اکثریت حاصل
بی جے پی زیرقیادت این ڈی اے نے آسام میں زبردست مینڈیٹ کے ساتھ اقتدار میں واپسی کی، 126 رکنی اسمبلی میں آرام دہ اکثریت حاصل کی۔
