تلنگانہ کےسابق چیف منسٹر اور بی آر ایس کے صدر کے چندر شیکھر راؤ نے بدھ کے روز حیدرآباد کے بی آر کے بھون میں جسٹس پی سی گھوس کمیشن کے سامنے کالیشورم لفٹ ایریگیشن پروجیکٹ میں مبینہ بے ضابطگیوں کی تحقیقات کے سلسلے میں حاضر ہوئے۔ پوچھ تاچھ تقریباً ایک گھنٹے تک جاری رہی۔
سابق وزیر اعلیٰ نے صبح تقریباً 9.30 بجے اپنی ایراویلی رہائش گاہ سے نکلے اور تقریباً 11 بجے بی آر کے بھون پہنچے۔ تقریباً نو ارکان کو چندر شیکھر راؤ کے ساتھ بی آر کے بھون میں جانے کی اجازت دی گئی۔ سینئر قائدین ایس مدھوسودھن چاری، ٹی ہریش راؤ، محمد محمود علی، ٹی پدما راؤ گوڑ اور دیگر قائدین ان کے ہمراہ تھے۔انھیں کمیشن کو جمع کرائے گئے دستاویزات پر مشتمل فائلوں کا ایک سیٹ اٹھائے ہوئے دیکھا گیا۔
ذرائع نے بتایا کہ چندر شیکھر راؤ نے کالیشورم پروجیکٹ کی اہمیت اور اْن حالات کے بارے میں انکوائری کمیشن کو بتایا جس کی وجہ سے دوبارہ انجینئرنگ کی ضرورت تھی، طریقہ کار پر عمل کیا گیا، اجازت حاصل کی گئی اور اس کی تکمیل کی۔ انہوں نے مبینہ طور پر جسٹس پی سی گھوس کمیشن کے ارکان کی طرف سے اٹھائے گئے تمام سوالات کا جواب دیا۔ وہ دوپہر 1 بجے کے قریب باہر آئے اور اپنی گاڑی سے باہر سڑک کے کنارے ان کے انتظار میں بیٹھے ہوئے پارٹی کارکنان کےاستقبال کا جوا ب دیا۔ کے سی آر نے اس کے بعد وہاں موجود پارٹی کیڈر کو نمستے کرکے اور ہاتھ لہرایا جواب دیا ۔ ہریش راؤ بھی کے سی آر کی گاڑی میں گئے۔ جیسے ہی کے سی آر باہر آئے، پارٹی صفوں نے بڑے پیمانے پر جئے کے سی آر، جئے تلنگانہ جیسے نعرے لگائے۔
کالیشورم لفت ایریگیشن پروجیکٹ کی مبینہ بے قاعدگیوں کیلئے کانگریس حکومت نے پی سی گھوش کمیشن قائم کیا ہے۔ اس سے پہلے جانچ کمیشن کے روبرو، اْس وقت کے وزیر فائننس اور موجودہ بی جے پی رکن پارلیمنٹ ایٹالہ راجندر، اور اْس وقت کے وزیر آبپاشی اور بی آر ایس رکن اسمبلی ٹی ہریش راؤ بھی پیش ہوچکےہیں۔
بعد ازاں انہوں نے ایم ایل اے پالا راجیشور ریڈی کی عیادت کی جو پیر میں چوٹ لگنے کے بعد پرائیویٹ اسپتال میں زیر علاج تھے۔ بتایا جا رہا ہےکہ ایم ایل اے کو بدھ کی صبح ایراولی میں سابق وزیر اعلی کی رہائش گاہ پر باتھ روم میں گیلے فرش پر پھسلنے سے چوٹ آئی۔
