بہار کی نئی تشکیل شدہ نیشنل ڈیموکریٹک الائنس (این ڈی اے) حکومت کا کابینہ توسیع اگلے مہینے ہونے کی خبریں ہیں۔ وزیر اعلیٰ نیتیش کمار اپنے کابینہ میں 6 اور اراکینِ اسمبلی کو شامل کر سکتے ہیں۔ یہ سب جنتا دل یونائیٹڈ (جے ڈی یو)سے ہوں گے۔ اراکینِ اسمبلی کی تعداد کے لحاظ سے بہار میں زیادہ سے زیادہ 36 وزراء بنائے جا سکتے ہیں۔ فی الحال کابینہ میں 9 عہدے خالی ہیں۔ ان میں جے ڈی یو کے 6 اور بھارتیہ جنتا پارٹی (بی جے پی) کے 2 عہدے شامل ہیں۔
کسے مل سکتی ہے کابینہ میں جگہ؟
این ڈی ٹی وی نے ذرائع کے حوالے سے دعویٰ کیا ہے کہ جے ڈی یو کُشوہا اور انتہائی پسماندہ طبقے کے اراکینِ اسمبلی کو وزیر بنا سکتی ہے۔ ابھی جے ڈی یو کے بجیندر پرساد یادو کے پاس 5، وجے چودھری کے پاس 4 اور شرون کمار اور سنیل کمار کے پاس 2-2 شعبے ہیں۔ نئے چہروں کو بھی اس میں موقع مل سکتا ہے۔ فارمولے کے تحت بی جے پی کو 17، جے ڈی یو کو 15، اور ایل جے پی (رام ویلاس) کو 2، جبکہ ہما (ہندوستانی عوام مورچہ) اور آر ایل پی (راشٹریہ لوک مورچہ) کو ایک ایک وزیر کا عہدہ ملا ہے۔
بہار میں این ڈی اے کو 202 سیٹیں ملیں:
بہار اسمبلی انتخابات میں این ڈی اے نے 202 سیٹیں جیتی ہیں جبکہ گرینڈ الائنس کے پاس صرف 35 سیٹیں ہیں۔ بی جے پی 89 سیٹوں کے ساتھ سب سے بڑی پارٹی بن کر ابھری۔ جے ڈی یو 85 سیٹیں جیتنے میں کامیاب رہی۔ لوک جن شکتی پارٹی (رام ولاس) نے 19 سیٹیں جیتیں۔ گرینڈ الائنس میں آر جے ڈی نے 24 اور کانگریس نے 6 سیٹیں جیتیں۔ اے آئی ایم آئی ایم اور ہندوستانی عوام مورچہ (سیکولر) نے 5-5 سیٹیں جیت کر اچھی کارکردگی کا مظاہرہ کیا۔ باقی 10 دوسروں کے پاس تھے۔
خیال رہے کہ حلف برداری 20 نومبر 2025 کو ہوئی تھی، جس میں نتیش کمارنے بطور وزیر اعلی حلف اٹھایا، اسکے علاوہ ڈپٹی سی ایم سمرٹ چودھری اور وجے کمار سنہا سمیت 26 وزراء نے بھی حلف اٹھایا۔ تاہم اب جے ڈی یو کی طرف سے مزید 6 کی توسیع کی خبریں گردش میں ہیں، جو دسمبر 2025 میں ممکن ہے، جس میں خاص طور پر کُشوہا اور انتہائی پسماندہ طبقے کو ترجیح دی جائے گی۔
