شاہ رخ خان اور دیپیکا پڈوکون کئی بلاک بسٹر فلموں میں ایک ساتھ کام کر چکے ہیں۔ اور ان دونو کی جوڑی نے باکس آفس پر کئی ریکارڈ اپنے نام کیا ۔ادھر گزشتہ دنوں یہ افواہیں پھیلی تھیں کہ دیپیکا پڈوکون ایک بار پھر سپر اسٹار شارخ خان کی آنے والی فلم کنگ میں اہم کردار میں نظر آئیں گی۔ اس خبر کے بعد شائقین شاہ رخ اور دیپیکا کی جوڑی کو دوبارہ سلور اسکرین پر دیکھنے کے لیے پرجوش ہوگئے۔ لیکن ایسا لگتا ہے کہ ان خبروں میں کوئی صداقت نہیں ہے کیونکہ ڈائریکٹر سدھارتھ آنند نے ایک پوسٹ میں ان افواہوں کو مسترد کر دیا ہے۔
Again, false.
— Siddharth Anand (@justSidAnand) April 8, 2025
کیا ’ کنگ ‘ میں دیپیکا پڈوکون کی انٹری کی افواہیں جھوٹی ہیں؟:
ہدایت کار سدھارتھ آنند نے ٹوئٹر پر ایک پوسٹ کی ہے (سابقہ X) جس سے لگتا ہے کہ انہوں نے کنگ میں دیپیکا پڈوکون کی انٹری کی افواہوں کی تردید کی ہے۔ اگرچہ انہوں نے واضح طور پر یہ نہیں بتایا کہ وہ کس کے بارے میں بات کر رہے ہیں، لیکن نیٹیزین کا خیال ہے کہ ان کا ٹویٹ دیپیکا کے 'کنگ' میں شامل ہونے کے حوالے سے تھا۔پیر کی شام ایکس پر اپنی پوسٹ میں سدھارتھ آنند نے لکھا تھا، "جھوٹ۔" اگرچہ انہوں نے براہ راست یہ نہیں بتایا کہ وہ کس بارے میں بات کر رہے ہیں، لیکن اندازہ لگایا جا سکتا ہے کہ وہ دیپیکا پڈوکون کی فلم میں شامل ہونے کی خبر کا حوالہ دے رہے تھے، کیونکہ یہ خبر صبح سے وائرل ہو رہی ہے۔
کنگ میں دیپیکا کی انٹری کا دعویٰ:
اس سے قبل ایک رپورٹ میں کہا گیا تھا کہ دیپیکا کنگ میں سہانا کی آن اسکرین ماں اور شاہ رخ کی سابق گرل فرینڈ کا کردار ادا کریں گی۔ فلم کے ڈائریکٹر نے اپنے سوشل میڈیا پر 'جھوٹ' لکھ کر بالواسطہ طور پر افواہوں کا خاتمہ کر دیا ہے۔آپ کو بتاتے چلیں کہ شاہ رخ اور دیپیکا نے اوم شانتی اوم سے لے کر پٹھان تک کئی فلموں میں ایک ساتھ کام کیا ہے جس کے ہدایت کار سدھارتھ آنند تھے۔ یہ جوڑی کامیاب ہے اور بالی ووڈ میں اس کی بہت بڑی فین فالوونگ ہے کیونکہ بہت سے لوگ ان کی جوڑی کو پسند کرتے ہیں۔
