ہیمنت بسوا سرماایک بار پھر آسام ریاست کی باگ ڈور سنبھالنے جا رہے ہیں۔ بی جے پی نے پارٹی کے سابق قومی صدر جے پی نڈا اور ہریانہ کے وزیر اعلیٰ نایاب سنگھ سینی کو قانون ساز پارٹی کا لیڈر منتخب کرنے کے لیے بطور مبصر مقرر کیا تھا۔ جس میں ہیمنت بسوا سرما کو ایک بار پھر قانون ساز پارٹی کا لیڈر منتخب کر لیا گیا ہے۔ وہ 12 مئی کو وزیر اعلیٰ کے عہدے کا حلف اٹھائیں گے۔ اس موقع پر تقریب میں وزیر اعظم نریندر مودی سمیت این ڈی اے کی حکومت والی ریاستوں کے وزرائے اعلیٰ اور مرکزی کابینہ کے کئی اہم رہنماؤں کی شرکت متوقع ہے۔ ہیمنت بسوا سرمامسلسل دوسری بار ریاست کے وزیر اعلیٰ بنیں گے۔
انتخابی نتائج :
آسام اسمبلی انتخابات میں بی جے پی کی قیادت میں این ڈی اے نے شاندار کامیابی حاصل کی ہے۔ این ڈی اے کو کل 102 نشستیں ملی ہیں، جو گزشتہ انتخابات کے مقابلے میں 27 زیادہ ہیں۔
دوسری طرف، کانگریس اتحاد صرف 21 نشستیں حاصل کر سکا ہے، جو گزشتہ انتخابات کے مقابلے میں 29 کم ہیں۔ دیگر امیدواروں کے حصے میں 3 نشستیں آئی ہیں۔
کانگریس سے بی جے پی تک کا سفر:
ہیمنت بسوا سرمانے اپنے سیاسی سفر کا آغاز کانگریس سے کیا تھا، جہاں وہ ریاست کے اہم ترین چہروں اور حکمت عملی سازوں میں شمار ہوتے تھے۔ تاہم، ترون گوگوئی کے ساتھ مبینہ اختلافات کے باعث انہوں نے 2015 میں کانگریس چھوڑ دی اور بی جے پی میں شامل ہو گئے۔
وہ 2001 سے مسلسل رکن اسمبلی (MLA) منتخب ہوتے آ رہے ہیں۔ 10 مئی 2021 کو شرما پہلی بار آسام کے وزیر اعلیٰ بنے تھے اور اب ان کی قیادت میں حاصل ہونے والی حالیہ انتخابی جیت کے بعد، وہ 12 مئی کو دوسری بار اس عہدے کا حلف اٹھانے جا رہے ہیں۔
