بہار کے دربھنگہ میں کانگریس لیڈر راہل گاندھی کے ووٹر رائٹس یاترا کے دوران وزیر اعظم نریندر مودی کی والدہ کے خلاف مبینہ توہین آمیز ریمارکس کا معاملہ گرم ہوگیا ہے۔ اس کو لے کر بی جے پی لیڈروں میں زبردست غصہ ہے۔ راہل گاندھی اور تیجسوی یادو کے خلاف سخت کارروائی کا مطالبہ کیا جا رہا ہے۔ اس معاملے میں پی ایم مودی نے منگل کو اپوزیشن لیڈروں پر طنز کرتے ہوئے کہا کہ ان لوگوں کو لگتا ہے کہ کرسی پر بیٹھنے کا حق صرف انہیں ہے۔ اب اس معاملے میں آر جے ڈی لیڈر تیجسوی یادو کا پہلا ردعمل آیا ہے۔
'یہ ہمارا سنسکار نہیں ہے'
بہار کے سابق ڈپٹی سی ایم تیجسوی یادو نے میڈیا سے بات کرتے ہوئے پی ایم مودی کے بیان پر کہا کہ یہ غلط ہے۔ آر جے ڈی رکن پارلیمنٹ نے کہا کہ کسی کی ماں کے ساتھ زیادتی نہیں ہونی چاہئے۔ انہوں نے کہا کہ ہم اس کے حق میں نہیں ہیں، یہ ہمارے سنسکار میں نہیں ہے۔
#WATCH पटना बिहार: प्रधानमंत्री नरेंद्र मोदी के बयान पर RJD नेता तेजस्वी यादव ने कहा, "किसी की भी मां को अपशब्द नहीं बोलना चाहिए। हम इसके पक्षधर नहीं हैं, ये हमारे संस्कार में नहीं है। लेकिन 50 करोड़ की गर्लफ्रेंड बोलने वाले मोदी जी हैं, सोनिया गांधी जी को इतनी भद्दी-भद्दी… pic.twitter.com/r9b2ht1vBP
— ANI_HindiNews (@AHindinews) September 3, 2025
پی ایم مودی پر حملہ کرتے ہوئے تیجسوی یادو نے کہا کہ 50 کروڑ گرل فرینڈ کی بات کرنے والے وزیراعظم مودی ہے، سونیا گاندھی کے ساتھ اتنی بدسلوکی کی گئی، نتیش کمار کے ڈی این اے پر سوال اٹھائے گئے۔
بی جے پی ایم ایل اے نے میری ماں اور بہنوں کو گالی دی:
انہوں نے کہا کہ بی جے پی ممبران اسمبلی نے ایوان میں میری ماں اور بہنوں کے ساتھ بدسلوکی کی۔ بی جے پی کے ترجمان اکثر لائیو کیمرے پر خواتین کی توہین کرتے ہیں… وزیر اعظم اتنے دنوں سے بیرون ملک تھے، جب وہ یہاں آئے تو رونے لگے، جب کہ وہ بیرون ملک ہنس رہے تھے۔
این ڈی اے نے 4 ستمبر کو بہار بند کی کال دی:
اس واقعہ کی مخالفت میں (این ڈی اے) نے آج 4 ستمبر کو صبح 7 بجے سے دوپہر 12 بجے تک بہار بند کی کال دی تھی۔ بہار بی جے پی کے ریاستی دفتر میں منعقدہ ایک مشترکہ پریس کانفرنس میں، این ڈی اے کے رہنماؤں نے اس واقعہ کی سخت مذمت کی تھی اور اپوزیشن پر سخت حملہ کیا۔
