 (1)f5ca4d91-8564-49be-ae17-875be0a5b24a182202614230.jpg)
حیدرآباد: علاقہ بھوانی نگر میں 17 فروری 2026 کی رات ایک سنسنی خیز واقعہ پیش آیا جس نے پورے علاقے کو ہلا کر رکھ دیا۔ پولیس کے مطابق، بھوانی نگر پولیس اسٹیشن کی حدود میں تقریباً رات 8 بجے، 35 سالہ محمد اسحاق کا مبینہ طور پر قتل کر دیا گیا۔ محمد اسحاق پیشے کے اعتبار سے آٹو ڈرائیور تھے۔
اہل خانہ اور قریبی ذرائع کا کہنا ہے کہ واقعہ کے دوران 35 سالہ محمد اسحاق سو رہے تھے جب ان کی بیوی نور جہاں بیگم نے مبینہ طور پر دوپٹے سے ان کا گلا گھونٹ کر انہیں قتل کر دیا۔ خاندانی ذرائع کے مطابق محمد اسحاق اور ان کی اہلیہ کے درمیان اکثر جھگڑے ہو تے رہتے تھے، جن کی بنیادی وجہ مرحوم کی شراب نوشی بتائی جا رہی ہے۔ الزام ہے کہ انہی گھریلو تنازعات کے پس منظر میں یہ سنگین واقعہ پیش آیا۔
واقعہ کے بعد علاقے میں خوف و ہراس پھیل گیا۔ پولیس نے فوراً مقدمہ درج کر کے تفتیش شروع کر دی ہے۔ تفتیشی ٹیم اب شواہد اکٹھا کر رہی ہے اور پڑوسیوں سمیت قریبی افراد سے پوچھ گچھ کر رہی ہے۔ سرکاری طور پر مکمل تفصیلات ابھی جاری نہیں کی گئی ہیں۔
اس واقعے نے ایک بار پھر یہ سوال کھڑا کر دیا ہے کہ گھریلو جھگڑے جب حد سے بڑھ جائیں تو ان کے نتائج کس قدر ہولناک ہو سکتے ہیں۔ بھوانی نگر پولیس اسٹیشن کے حدود میں پیش آنے والے اس المناک واقعے کی تحقیقات جاری ہیں اور پولیس نے کہا ہے کہ مقدمے کے سلسلے میں تمام قانونی کارروائی عمل میں لائی جائے گی۔
متوفی محمد اسحاق کے اہل خانہ کا کہنا ہے کہ انصاف کے لیے وہ پولیس کے تعاون کے ساتھ مکمل تحقیقات کے منتظر ہیں تاکہ اس سنگین جرم میں ملوث افراد کو کیفر کردار تک پہنچایا جا سکے۔
8c9d0874-53ee-41a9-bfb3-82d2d58440e81822026164531.jpg)
f789742b-1b03-42a6-ab05-aee9c19396341822026164319.jpg)
