بھارتی خواتین کرکٹ ٹیم کی اسٹار بلے باز اسمرتی مندھانا نے موسیقار پلاش مچل کے ساتھ اپنی شادی ردکرنے کا باضابطہ اعلان کر دیا ہے۔مندھانا اور پالش نے 17 دن بعد اپنی خاموشی توڑتے ہوئے واضح کیا کہ یہ رشتہ اب ختم ہو چکاہے۔دونوں نے انسٹا گرام پوسٹ کے ذریعہ یہ جانکاری دی۔یاد رہے کہ مندھانا اور پالش کی شادی 23 نومبر کو مہاراشٹر کے شہر سانگلی میں ہونی تھی ۔لیکن شادی سے عین قبل مندھانا کے والد کی بیمار ہونے کی خبر آئی،جسکے بعد سے ہی مختلف قیاس آرائیاں تیز ہو گئی تھی۔آئیے جانتے ہیں دونوں نے کیا کچھ لکھا۔
مندھانا نے پوسٹ میں کیا لکھا؟
مندھانا نے انسٹاگرام پر لکھا، پچھلے کچھ ہفتوں سے میری زندگی کے بارے میں بہت سی قیاس آرائیاں کی جا رہی ہیں، اور میں محسوس کرتی ہوں کہ اس وقت کھل کر بات کرنا میرے لیے ضروری ہے۔ میں بہت نجی نوعیت کی انسان ہوںاور میں اسے اسی طرح رکھنا چاہتی ہوں، لیکن میں یہ واضح کرنا چاہتی ہوں کہ میری شادی ختم ہو گئی ہے۔ میں اس معاملے کو یہیں پر رکھنا چاہتی ہوں، اور میں آپ سب سے درخواست کرتی ہوں کہ ایسا ہی کریں۔
مندھانا نے دونوں خاندانوں کی رازداری کا احترام کرنے کی اپیل کی:
مندھانا نے لکھا، براہ کرم اس وقت دونوں خاندانوں کی پرائیویسی کا احترام کریں اور ہمیں اپنی رفتار سے آگے بڑھنے دیں۔ میرا سب سے بڑا مقصد ہمیشہ سے اعلیٰ سطح پر اپنے ملک کی نمائندگی کرنا رہا ہے۔انہوں نے لکھا، میں امید کرتی ہوں کہ بھارت کے لیے طویل عرصے تک کھیلوں گی اور ٹرافی جیتنا جاری رکھوں گی۔ یہی میری توجہ ہمیشہ رہے گی۔ آپ کی حمایت کے لیے آپ سب کا شکریہ۔ اب آگے بڑھنے کا وقت ہے۔
مچل نے بھی شادی کی منسوخی کی تصدیق کی:
مندھانا کے بعد، مچل نے بھی انسٹاگرام پر مندھانا کے ساتھ اپنے تعلقات کو ختم کرنے کے فیصلے کا اعلان کیا۔ انہوں نے لکھا، میں نے اپنی زندگی میں آگے بڑھنے اور اپنے ذاتی رشتوں سے الگ ہونے کا فیصلہ کیا ہے۔ یہ دیکھنا میرے لیے بہت تکلیف دہ رہا کہ لوگوں نے کسی ایسی چیز کے بارے میں بے بنیاد افواہوں پر اتنی آسانی سے رد عمل ظاہر کیا جو میرے لیے سب سے زیادہ قابل احترام ہے۔ یہ میری زندگی کا سب سے مشکل دور ہے۔ میں اسے خوش اسلوبی سے سنبھالوں گا۔
مجھے امید ہے کہ ہم ایک معاشرے کے طور پر، کسی کے بارے میں بغیر تصدیق شدہ افواہوں کی بنیاد پر رائے قائم کرنے سے پہلے رکنا سیکھیں گے۔ ہمارے الفاظ ایسے زخم دے سکتے ہیں جنہیں ہم کبھی سمجھ نہیں ختم کر پائیں گے۔ افواہوں کے سنگین نتائج ہوتے ہیں۔ میری ٹیم جھوٹی اور توہین آمیز مواد پھیلانے والوں کے خلاف سخت قانونی کاروائی کرے گی۔ اس مشکل وقت میں میرے ساتھ کھڑے رہنے والوں کا شکریہ۔
مندھانا نے مچل کو انسٹاگرام پر ان فالو کر دیا:
مندھانا نے انسٹاگرام پر مچل کو ان فالو کر دیا ہے، جبکہ اس خبر کے لکھے جانے تک پلاّش ابھی بھی انہیں فالو کر رہے ہیں۔ مندھانا نے حال ہی میں 5 دسمبر کو اپنے انسٹاگرام ٹائم لائن پر ایک اشتہاری ویڈیو شیئر کرکے سوشل میڈیا سے اپنا وقفہ ختم کیا تھا۔ کچھ مداحوں نے دیکھا کہ اس نے اپنی منگنی کی انگوٹھی نہیں پہنی ہوئی تھی، جس کی وجہ سے یہ قیاس آرائیاں کی جا رہی تھی کہ بریک اپ کی خبر آسکتی ہے۔
مندھانا اور مچل کی شادی ایک اعلیٰ سطحی تقریب ہونے کی توقع تھی:
بھارت کی خواتین ورلڈ کپ جیت کے بعد،مندھانا اور مچل کی شادی ایک ایک ہائی پروفائل تقریب کے طور پر ہونے کی توقع تھی،لیکن شادی سے ٹھیک پہلے مندھنا کے والد کے اچانک بیمار پڑنے کی وجہ سے تقریب روک دی گئی ۔ اس کے بعد افواہیں اور الزامات تیزی سے پھیلے اور پلاّش مچل پر دھوکہ دہی کے الزام لگائے گئے۔ تاہم ان کے خاندان نے ان الزامات کی سختی سے تردید کی اور موسیقی کار کے بارے میں جھوٹی معلومات پھیلانے کی مذمت کی تھی۔
