حیدرآباد کمشنریٹ کے ساؤتھ زون ڈی سی پی کھرے کرن پربھاکر، آئی پی ایس نے جمعہ کے موقع پر تاریخی چارمینار اور مکہ مسجد کے علاوہ دیگر علاقے کا دورہ کیا اور سیکورٹی اور عوامی تحفظ کے انتظامات کا جائزہ لیا ۔ تاکہ قدیم شہر میں پْرامن ماحول، مذہبی ہم آہنگی اور روایتی گنگا جمنی تہذیب برقرار رکھ سکے۔
ڈی سی پی آفس ہر ضرورت مندوں کیلئے ہمیشہ کھلا ہے
انہوں نے ساؤتھ زون ڈی سی پی کی حیثیت سے چارج سنبھالنے کے بعد خوشی کا اظہار کیا ۔ ڈی سی پی نے چارمینار کو حیدرآباد کا دل قرار دیا اور یقین دلایا کہ ساؤتھ زون ڈی سی پی آفس ہر اْس شہری کے لیے 24/7 کھلا ہے جسے مدد کی ضرورت ہے یا کسی بھی مسئلے کی اطلاع دینا چاہتا ہو ۔
جرائم پیشہ افراد اوربدمعاشوں کوانتباہ
ڈی سی پی نے اس بات پر زور دیا کہ بدمعاشی کرنے والوں اور بدمعاشوں پر سخت چوکسی اور نگرانی رکھی جائے گی، انتباہ دیا کہ امن و امان میں خلل ڈالنے والے کسی کو بھی نہیں بخشا جائے گا۔
بلا وجہ راتوں میں گھومنے پر ہوگی کاروائی
انہوں نے بغیر کسی معقول وجہ کے رات گئے تک گھومنے والے افراد کو بھی خبردار کیا اور کہا کہ مشاورت یا قانونی کارروائی کی جائے گی۔مزید برآں، ڈی سی پی پربھاکر نے واضح کیا کہ رات گئے کاروبار جیسے ہوٹل، پان کی دکانیں اور اجازت شدہ اوقات سے زیادہ کام کرنے والے دیگر دکانوں کو بھی بخشا نہیں جائے گا، اور زون میں نظم و ضبط اور حفاظت کو برقرار رکھنے کے لیے اصولوں کے مطابق کاروائی کی جائے گی۔
عوام سے کیا تعاون طلب
ساؤتھ زون ڈی سی پی نے عوام سے اپیل کی کہ وہ ساؤتھ زون میں امن، ہم آہنگی اور لاء اینڈ آرڈر کو برقرار رکھنے کے لیے پولیس کے ساتھ تعاون کریں، تاکہ حیدرآباد سٹی پولیس کے محفوظ اور بہتر ماحول کو یقینی بنایا جاسکے۔
چارج سنبھالنے کےبعد پہلا دورہ
کرن کھرے آئی پی ایس نے ڈی سی پی ساوتھ زون کا ہفتہ کے روزچارج سنبھال لیا۔ کرن کھرے نے سنیہا مہراسے یہ ذمہ داری سنبھال لی ہے۔ سنییہا مہرا کا وقار آباد ایس کے طور پر تبادلہ کیا گیا ہے۔ واضح رہے کہ تلنگانہ میں مجالس مقامی کے انتخابات کے پیش نے آئی پی ایس عہدیداروں کے تبادلے کئے ہیں۔ حکومت کے احکامات کے تحت جے شنکر بھوپال پلی ضلع کے ایس پی کرن پربھاکر کھرے کو ڈی سی پی، ساؤتھ زون کے طور پر تعینات کیا گیا ، اور سنیہا مہرا کو وقار آباد ضلع ایس پی کے عہدہ پر تبادلے کیا گیا۔
