Sunday, November 30, 2025 | 09, 1447 جمادى الثانية
  • News
  • »
  • علاقائی
  • »
  • تلنگانہ پنچایت الیکشن، پہلے مرحلہ کی نامزدگیوں کا اختتام۔ کئی مقامات سے بلا مقابلہ منتخب

تلنگانہ پنچایت الیکشن، پہلے مرحلہ کی نامزدگیوں کا اختتام۔ کئی مقامات سے بلا مقابلہ منتخب

    Reported By: Munsif News Bureau | Edited By: Mohammed Imran Hussain | Last Updated: Nov 29, 2025 IST

 تلنگانہ پنچایت الیکشن، پہلے مرحلہ کی نامزدگیوں کا اختتام۔ کئی مقامات سے بلا مقابلہ منتخب
تلنگانہ میں پنچایت انتخابات کا پہلا مرحلہ جاری ہے۔ پہلے مرحلے کےتحت 11 دسمبر کو انتخابات ہونے ہیں۔ پہلے مرحلے کےلئےپرچہ نامزدگیوں کا عمل 29 نومبر کو ختم ہو گیا ہے۔ اسی دوران  ریاست کے کئی پنچایتوں میں بلا مقابلہ منتخب ہو رہےہیں۔

 کاماریڈی میں چار سرپنچ منتخب 

کاماریڈی میں کانگریس کے چار سرپنچ  بلا مقابلہ  منتخب ہو گئے ہیں۔ تلنگانہ حکومت کے مشیراقلیت، ایس سی، ایس ٹی محمد علی شبیر نے ضلع کانگریس ہیڈکواٹر کاماریڈی میں پریس کانفرنس کی۔ انھوں نےکہاکہ آج پنچایتی انتخابات میں پرچانامزدگی داخل کرنے کی آخری دن میں چار گرام پنچایت میں کانگریس کے امیدوار ہی پرچانامزدگی داخل کئے اور بلا مقابلہ منتخب ہوئے۔

 حکومت کی فلاحی اسکیومں سےعوام متاثر

شبیرعلی نے بتایاکہ کانگریس کے ترقیاتی کام خواتین کومفت بس، مفت برقی ،باریک چاول،اچھے ساڑیوں کی تقسیم، اندااماں مکانات کی تعمیر، شامل ہے۔ انھوں نے کہاکہ  اسمبلی کاماریڈی میں 3500 مکانات کی تعمیر قابل ذکر ہے ۔ اس موقع پر کانگریس قائدین کیلاش سرنیواس چندراکانت ریڈی گوڑیم سرنیواس محمد علی الیاس  اور دیگر موجود تھے۔

 عادل آباد:سرپنچ اور8وارڈ ممبرمنتخب 

مقامی پنچایتی انتخابات کے حصہ کے طور پر عادل آباد ضلع کے نارنور منڈل میں مانکپور گرام پنچایت کے دیہاتیوں نے متفقہ طور پر سرپنچ اور 8 وارڈ ممبران کا انتخاب کیا۔ چونکہ ہفتہ کو نامزدگیوں کا آخری دن تھا، صرف ایک شخص نے سرپنچ امیدوار تودسام رینوکا کے لیے اور ایک نے نامزدگی مرکز میں وارڈ ممبر کے عہدوں کے لیے پرچہ نامزدگی داخل کیا۔ایک ہی پرچہ نامزدگی داخل ہونے کے بعد گاؤں والوں نے سرپنچ اور وارڈ ممبر کے عہدوں کے لیے پرچہ جات داخل کرنے والے امیدواروں کا شاندار استقبال کیا۔ اس کا باضابطہ اعلان ہونا ابھی باقی ہے۔ اندراویلی مارکیٹ کمیٹی کے سابق وائس چیرمین تودسام ناگراؤ، میسرام روپ دیو پٹیل، میسرام موتیرام پٹیل، راتھوڈ ڈگمبر نائک، کوٹناک ناناجی، کوٹنک ناگوراؤ، اترم بھیم راؤ، کوٹنک پون کمار، راتھوڈ پردیپ، کریم خان، کیشود، سومو اور نوجوانوں نے پروگرام میں حصہ لیا۔
 تین مرحلوں میں پولنگ 
 ریاست میں پنچایت الیکشن کی  پولنگ تین مراحل میں ہوگی۔ پہلے مرحلے کی پولنگ 11 دسمبر، دوسرے مرحلے کی 14 دسمبر اور تیسرے مرحلے کی 17 دسمبر کو پولنگ ہوگی۔ الیکشن کمیشن نے نامزدگیوں کا شیڈول بھی جاری کیا گیا ہے۔ پہلے مرحلے کی نامزدگیاں 27 نومبر سے، دوسرے مرحلے کی 30 نومبر سے اور تیسرے مرحلے کی 3 دسمبر سے قبول کی جائیں گی۔ پہلے مرحلے میں 4,200 سرپنچ کے عہدوں اور 37,440 وارڈوں کے لیے۔ 4,333 سرپنچ کے عہدوں کے لیے اور 38,350 وارڈوں کے لیے، دوسرے مرحلے میں 4,135 اور سرپنچوں کے لیے 6,425۔۔۔ تیسرے مرحلے میں وارڈز انہوں نے کہا کہ ریاست میں کل 1.66 کروڑ گاؤں ووٹر ہیں۔
 کاغذات نامزدگیوں کا ادخال 
پولنگ کے پہلے مرحلے کے لیے کاغذات نامزدگی 27 نومبر سے قبول کیے جائیں گے۔ انہوں نے انکشاف کیا کہ انتخابات کے دوسرے مرحلے کے لیے کاغذات نامزدگی 30 نومبر سے اور تیسرے مرحلے کے انتخابات کے لیے 3 دسمبر سے قبول کیے جائیں گے۔