تلنگانہ کے وزیراعلیٰ اے ریونت ریڈی، مرکزی وزیر جی کشن ریڈی، ایم آئی ایم صدراسد الدین اویسی ، بی آرایس صدر کےسی آر نے اور دیگر قائدین نے جمعرات 12 جون کو احمد آباد میں طیارہ حادثہ میں ہلاکتوں پرافسوس کا اظہار کیا ہے۔
تلنگانہ سی ایم ریونت ریڈی
وزیراعلی ریونت ریڈی نے احمد آباد میں مسافرطیارے کے حادثہ پر اپنے گہرے دکھ کا اظہار کیا۔ وز یراعلی ریونت ریڈی نے مرکزی حکومت پر زور دیا کہ وہ متاثرین اور ان کے خاندانوں کی مدد کے لیے فوری اور موثر امدادی اقدامات کرے۔تلنگانہ کے سی ایم او نے 'X' پر ایک پوسٹ میں کہا کہ ریڈی نے واقعے میں ملوث تمام مسافروں اور عملے کے ارکان کی سلامتی اور خیریت کے لیے دعا کی۔
کشن ریڈی اوربنڈی سنجے
مرکزی وزیر جی کشن ریڈی نے تباہ کن واقعہ میں زخمی ہونے والوں اور تمام متاثرین کی جلد صحت یابی کی دعا کی۔ اور اموات پر گہرے دکھ کا اظہار کیا۔ مرکزی وزیر بندی سنجے کمار نے بھی صدمے کا اظہار کیا اور کہا کہ جہاز میں سوار افراد کی حفاظت اور بقا کے لیے "اجتماعی امید مضبوط ہے"۔انہوں نے کہا کہ میری دلی دعائیں مسافروں، عملے اور ان کے اہل خانہ کے ساتھ ہیں۔
صدرمجلس اسد الدین اویسی
اے آئی ایم آئی ایم کے صدر اسدالدین اویسی نے "آفت" کی مکمل جانچ کی امید ظاہر کی۔ اویسی نے کہاکہ "گجرات میں ایئر انڈیا کے حادثے کے بارے میں بہت فکرمند ہوں۔ میری دعائیں فلائٹ میں سوار افراد اور ان کے پیاروں کے ساتھ ہیں۔ میں تباہی کی مکمل تحقیقات کی امید کرتا ہوں،" انہوں نے کہا۔
لندن جانے والا ایئر انڈیا کا طیارہ جس میں 242 مسافر اور عملہ سوار تھا، جمعرات کی دو پہر احمد آباد ہوائی اڈے سے ٹیک آف کرنے کے چند منٹ بعد احمد آباد کے رہائشی علاقے میں گر کر تباہ ہو گیا۔ بہت سے لوگوں کے مارے جانے کا خدشہ تھا۔
سابق وزیراعلیٰ کےسی آر
بی آر ایس کے سربراہ کے سی آر نے احمد آباد، گجرات میں پیش آنے والے ہولناک طیارہ حادثے پر صدمے کا اظہار کیا۔ انہوں نے طیارہ رہائشی علاقوں میں گرنے سے پیش آنے والے ہولناک حادثے میں مسافروں، عام لوگوں بشمول میڈیکل طلباء کی ہلاکت پر گہرے دکھ اور افسوس کا اظہار کیا۔کے سی آر نے مرکزی اور ریاستی حکومتوں پر زور دیا کہ وہ ایکس گریشیا کا اعلان کریں اور مرنے والوں کے اہل خانہ کو مالی امداد فراہم کریں اور زخمیوں کو بہتر طبی خدمات فراہم کریں۔ کے سی آر نے سوگوار کنبہ کے ارکان کے تئیں اپنی گہری تعزیت کا اظہار کیا جنہوں نے اپنے پیاروں کو کھو دیا۔
