پانچ ریاستوں کے حالیہ اسمبلی انتخابات کے نتائج کے بعد اتر پردیش کی سیاست میں ہلچل تیز ہو گئی ہے، اور اکھلیش یادو کی قیادت میں سماج وادی پارٹی نے اپنی انتخابی تیاریوں کو مزید مضبوط کرنا شروع کر دیا ہے۔ پارٹی آئندہ اتر پردیش اسمبلی انتخابات میں بھرپور کارکردگی دکھانے کے لیے پرعزم دکھائی دے رہی ہے۔
اسی تناظر میں اکھلیش یادو نے پارٹی کارکنوں اور عہدیداروں کو ایک اہم مشورہ دیتے ہوئے کہا کہ صحافیوں سے “آف دی ریکارڈ” بات چیت سے گریز کریں۔ انہوں نے واضح الفاظ میں کہا، صحافی آپ کے دوست نہیں ہیں، اس لیے غیر رسمی گفتگو سے بچیں۔” ان کے اس بیان نے سیاسی حلقوں میں بحث چھیڑ دی ہے۔
سیاسی مبصرین کے مطابق اکھلیش یادو کی یہ ہدایت دراصل ایک وسیع حکمت عملی کا حصہ ہے، جس کا مقصد پارٹی کے پیغام کو کنٹرول میں رکھنا اور کسی بھی غیر ضروری تنازع سے بچنا ہے، خاص طور پر ایسے وقت میں جب انتخابی ماحول گرم ہو رہا ہو۔
دوسری جانب حالیہ انتخابات میں ،بی جے پی، کی کارکردگی بھی قابلِ ذکر رہی، جس نے پانچ میں سے تین ریاستوں میں حکومت بنانے میں کامیابی حاصل کی۔ ان نتائج نے اپوزیشن جماعتوں کو اپنی حکمت عملی پر ازسرِ نو غور کرنے پر مجبور کر دیا ہے۔
جب اکھلیش یادو سے یہ سوال کیا گیا کہ آیا وہ 2027 کے یوپی اسمبلی انتخابات میں خود حصہ لیں گے، تو انہوں نے دلچسپ جواب دیتے ہوئے کہا کہ وہ پنڈت جی کے مشورے پر عمل کریں گے۔ ان کا کہنا تھا کہ ہم نئے سوشلسٹ ہیں، اور جیسے 2012 میں ہماری حکومت بنی تھی، ویسے ہی 2027 میں بھی بنے گی۔
سیاسی تجزیہ کاروں کے مطابق اکھلیش یادو کے حالیہ بیانات اس بات کا اشارہ دیتے ہیں کہ سماج وادی پارٹی نہ صرف انتخابی میدان میں سنجیدگی سے اترنے کی تیاری کر رہی ہے بلکہ اپنی داخلی نظم و ضبط کو بھی مضبوط بنانے پر توجہ دے رہی ہے۔
