عام آدمی پارٹی کے کنوینر اروند کیجریوال نے دہلی اسمبلی انتخابات میں پارٹی کی شکست کے بعد منگل کو کپورتھلہ ہاؤس میں پنجاب کے تمام 91 عآپ ایم ایل ایز کی میٹنگ کی۔اس میں وزیر اعلی بھگونت مان اور منیش سسودیا سمیت بڑے لیڈر موجود تھے۔میٹنگ کے بعد، مان نے وزیر اعلی کو تبدیل کرنے اور کانگریس کو نشانہ بنانے کے سوال سے گریز کیا، پرتاپ سنگھ باجوہ کے اس دعوے کو مسترد کر دیا کہ پنجاب میں آپ کے 30 ایم ایل اے کانگریس کے ساتھ رابطے میں ہیں۔
کیجریوال نے پنجاب کی عآپ یونٹ کا شکریہ ادا کیا۔
میٹنگ کے بعد وزیر اعلیٰ مان نے کہا کہ کیجریوال اور سسودیا نے دہلی انتخابات میں تعاون کے لیے پنجاب کی عآپ یونٹ کا شکریہ ادا کیا۔انہوں نے مزید کہا، پنجاب میں عآپ کی حکومت بنیادی ڈھانچے کو بہتر بنانے اور ریاست میں ٹول بوجھ کو کم کرنے کی سمت میں کام کر رہی ہے۔ ہمیں اپنے کام کو تیز کرنا ہے۔ دہلی میں عآپ نے جو کام کیا ہے ۔وہ پچھلے 75 سالوں میں کبھی نہیں ہوا ہے۔ جیت اور ہار کھیل کا حصہ ہے۔
پنجاب میں وزیراعلیٰ کی تبدیلی کے امکان پر مان نے کیا کہا؟
پنجاب میں قیادت کی تبدیلی کے سوال پر وزیراعلیٰ مان نے کہا کہ مخالفین ہیں، وہ کچھ بھی کہہ سکتے ہیں، انہیں کہنے دیں، میں صرف یقین دلاتا ہوں کہ پنجاب حکومت خواتین کو ہر ماہ ایک ہزار روپے دینے کا وعدہ پورا کرے گی۔اسکے علاوہ وزیر اعلیٰ مان نے کہا کہ ہمیں اپنے کام پر توجہ مرکوز رکھنی ہے، ہم مستقبل میں مزید کام کریں گے، بڑی کمپنیوں نے بھی پنجاب میں سرمایہ کاری شروع کر دی ہے۔ان کا مزید کہنا تھا کہ 'پنجاب میں ہماری حکومت عوام کے مفاد میں بہت کام کر رہی ہے، ہم مذہب کی سیاست نہیں کرتے، ہم اپنے کام سے پہچانے جاتے ہیں، ایسا پنجاب ماڈل بنائیں گے کہ پورا ملک دیکھے گا۔
#WATCH | Delhi: Punjab CM Bhagwant Mann says, "... I would ask Pratap Singh Bajwa to count how many MLAs they have in Delhi... The law and order of Punjab is better than most states... We have to put in extra effort being a border state, and we are doing that..." pic.twitter.com/HsMLsAeETF
— ANI (@ANI) February 11, 2025
دہلی اسمبلی انتخابات کا کیا نتیجہ نکلا؟
آپ کو بتاتے چلیں کہ دہلی اسمبلی انتخابات میں بی جے پی نے 70 اسمبلی سیٹوں میں سے 48 سیٹیں جیت کر بڑی جیت حاصل کی ہے۔اس کے برعکس، AAP کو زبردست دھچکا لگا، جس نے صرف 22 سیٹیں ہی حاصل کر سکیں۔ 2020 کے انتخابات میں AAP نے 62 سیٹیں جیتی تھیں۔تاہم، ایک تاریخی مینڈیٹ کے ساتھ، بی جے پی 27 سال بعد قومی دارالحکومت میں اقتدار میں واپس آئی ہے۔
