کیف: یوکرین کے پراسیکیوٹر جنرل کے دفتر کے ایک بیان کے مطابق بدھ کے روز یوکرین کے جنوبی شہر زپوریزہیا پر روسی حملے میں کم از کم 13 افراد ہلاک اور 63 دیگر زخمی ہو گئے۔ شام 4 بجے کے قریب شہر میں دو گائیڈڈ بم دھماکے ہوئے۔ مقامی وقت کے مطابق صنعتی انفراسٹرکچر اور رہائشی عمارتوں کو نقصان پہنچا، زپوریزہیا کے علاقائی گورنر ایوان فیڈوروف نے اسکی اطلاع دی ہے۔ فیدوروف نے بتایا کہ زخمی ہونے والوں میں سے چار کی حالت تشویشناک ہے۔ اسٹیٹ سروس نے بھی جانکاری دیتے ہویے کہا کہ حملے میں چار انتظامی عمارتوں اور 27 گاڑیوں کو نقصان پہنچا۔یوکرین کے صدر ولادیمیر زیلنسکی نے کہا کہ حملے میں 13 افراد ہلاک ہوئے اور انہوں نے متاثرین کے اہل خانہ سے تعزیت کی۔
زیلنسکی نے سوشل میڈیا پلیٹ فارم 'ایکس' پر ایک ویڈیو شیئر کی جس میں دکھایا گیا کہ سڑک پر پڑے خون آلود شہریوں کو ایمرجنسی سروسز اور فائر فائٹرز آگ پر قابو پانے کی کوشش کر رہے ہیں۔ ایکس پر ایک ویڈیو شیئر کرتے ہوئے زیلنسکی نے کہا کہ روسیوں نے زپوریزہیا پر فضائی بموں سے حملہ کیا۔ یہ شہر پر جان بوجھ کر حملہ تھا۔ اب تک درجنوں افراد کے زخمی ہونے کی اطلاعات ہیں۔ سبھی کو ضروری مدد مل رہی ہے۔ افسوسناک بات یہ ہے کہ ہم نے 13 افراد کو کھو دیا ہے۔
یوکرین کے صدر نے مزید کہا کہ ان کے اہل خانہ اور چاہنے والوں سے میری تعزیت ہے۔ افسوس کہ ہلاکتوں کی تعداد بڑھ سکتی ہے۔ کسی شہر پر ہوائی بم برسانے سے بڑھ کر ظلم کوئی نہیں، یہ جانتے ہوئے بھی کہ عام شہری نقصان اٹھائیں گے۔ روس کو اس کی دہشت گردی کے لیے دباؤ میں لانا چاہیے۔ یوکرین میں جانوں کے تحفظ کی حمایت کی جانی چاہیے۔ صرف طاقت کے ذریعے ہی ایسی جنگ کو پائیدار امن کے ساتھ ختم کیا جا سکتا ہے۔ بدھ کو یوکرین کے پراسیکیوٹر جنرل کے دفتر نے کہا کہ حملے میں بلند و بالا رہائشی بلاکس، ایک صنعتی سہولت اور دیگر بنیادی ڈھانچے کو نقصان پہنچا ہے۔
e91a970a-e70b-42aa-b31e-2b36ea9a421015120251021.jpg)
