کولمبیا میں ایک خوفناک طیارہ حادثہ پیش آیا ہے۔ جس میں ملک کے رکنِ پارلیمنٹ ڈیو جینس کوئنٹیرو سمیت مجموعی طور پر 15 افراد ہلاک ہوگئے ہیں۔یہ حادثہ چہار شنبہ 28 جنوری کو وینزویلا کی سرحد کے قریب ایک پہاڑی علاقے میں پیش آیا۔طیارہ مقامی وقت کے مطابق صبح 11.42 بجے کوکوٹا ایئرپورٹ سے روانہ ہوا تھا اور 12.05 بجے اوکانا میں لینڈ ہونا تھا۔ تاہم 11.54 بجے طیارے کا ایئر ٹریفک کنٹرول سے رابطہ منقطع ہو گیا۔اور طیارہ حادثہ کا شکار ہو گیا۔طیارے میں 13 مسافر اور عملے کے دو ارکان سوار تھے۔جس میں کسی کی بھی جان نہیں بچ سکی۔
ائیر ٹریفک کنٹرول سے رابطہ اچانک منقطع ہو گیا:
طیارے نے کولمبیا کے نارٹ ڈی سین ٹینڈر ڈیپارٹمنٹ کے شہر کوکوٹا سے اڑان بھری تھی اور اسے دوپہر کو اوکانا میں لینڈ کرنا تھا۔ تاہم لینڈنگ سے کچھ دیر قبل طیارے کا ائیر ٹریفک کنٹرول سے رابطہ منقطع ہوگیا۔ طویل عرصے تک رابطہ نہ ہونے کے بعد سرچ آپریشن شروع کیا گیا۔ بعد میں جب ملبہ نکالا گیا تو حکام نے تصدیق کی کہ جہاز میں سوار تمام مسافر اور عملہ ہلاک ہو چکے ہیں۔ جہاز میں 13 مسافر اور عملے کے دو ارکان سوار تھے۔ پرواز کی شناخت سیٹینا فلائٹ 8895 کے نام سے ہوئی ہے۔
جہاز میں کون سوار تھا؟
اس حادثے میں ہلاک ہونے والے نمایاں افراد میں کولمبیا کے چیمبر آف ڈیپوٹیز کے رکن Diógenes Quintero اور انتخابی امیدوار کارلوس سالسیڈو شامل ہیں۔ دونوں اپنی اپنی سیاسی جماعتوں کی ٹیموں کے ساتھ سفر کر رہے تھے۔ اس خبر سے سیاسی حلقوں میں غم کی لہر دوڑ گئی۔ مقامی ایم ایل اے ولمار کیریلو نے اس واقعہ پر تشویش کا اظہار کرتے ہوئے کہا کہ یہ ایک انتہائی المناک حادثہ ہے اور ہر کسی کو صبر و تحمل سے کام لینا چاہیے۔
