37c3c050-0995-4a86-8b99-970ec53b3cab2952025201642.jpg)
امرناتھ یاترا 2025 3 جولائی سے 9 اگست تک ہوگی۔ یاترا کے لئے رجسٹریشن ہے۔ یاترا کے دوران عقیدت مند جموں اور کشمیرمیں امرناتھ گْپھا کا درشن کرتے ہیں۔ رجسٹریشن 14 اپریل 2025 کو شروع ہوئی، اور اسے آفیشل شری امرناتھ جی شرائن بورڈ (SASB) کی ویب سائٹ کے ذریعے آن لائن یا پورے ہندوستان میں 540 سے زیادہ بینکس کی برانچوں پر آف لائن مکمل کیا جا سکتا ہے۔
امرناتھ یاترا کیلئے سیکوریٹی
مرکزی وزارت داخلہ نےامرناتھ یاترا کو محفوظ بنانے کیلئے سیکوریٹی کے کڑے انتظامات کئے ہیں۔ حکومت نے بتایا کہ یاترا کے دوران سی اے پی ایف ، کی 580 کمپنیوں کے اہلکار تعینات کیے جائیں گے۔ اس کا مطلب ہے کہ امرناتھ کے راستے پر تقریباً 42,000 سیکورٹی اہلکار ڈیوٹی پر ہوں گے۔ سنٹرل آرمڈ پولیس فورس (سی اے پی ایف) کی تقریباً 580 کمپنیوں کے اہلکاروں کو تعینات کیا جائے گا۔ مرکزی وزیر داخلہ امت شاہ سیکوریٹی کا جائزہ لیں گے۔ بی ایس ایف کے ڈی جی دلجیت سنگھ چودھری بھی جلد ہی جائزہ لیں گے۔
اس سلسلے میں پہلے ہی مرکزی زیر انتظام علاقہ میں فورسز کی 424 کمپنیاں بھیجی جا چکی ہیں۔ فوجیوں کی باقی 80 کمپنیاں آپریشن سندھور کے دوران وہاں بھیجی گئیں۔ ان کا کہنا تھا کہ انہیں بھی مختلف مقامات پر منتقل کیا جا رہا ہے۔ مرکزی فورسز نے کہا ہے کہ وہ امرناتھ یاتریوں کو مکمل سیکورٹی فراہم کر رہے ہیں۔ مرکزی وزارت داخلہ کے عہدیداروں نے کہا کہ مرکزی فورسز کو جموں و کشمیر میں پوزیشنیں سنبھالنے کے فوری احکامات جاری کئے گئے ہیں۔ 22 اپریل کو پہلگام دہشت گردانہ حملے کے پیش نظر سیکورٹی کو سخت کیا جا رہا ہے۔
سی اے پی ایف کی پانچ کمپنیوں میں سی آر پی ایف، بی ایس ایف، سی آئی ایس ایف، آئی ٹی بی پی، اور ایس ایس بی شامل ہیں۔ سی آر پی ایف کے ڈائریکٹر جنرل گیانیندر پرتاپ پہلے ہی امرناتھ یاترا کا جائزہ لے چکے ہیں۔امرناتھ یاترا کے لیے دو راستے ہیں۔ اننت ناگ ضلع میں پہلگام کا راستہ 48 کلومیٹر طویل ہے۔ گاندربل ضلع میں بالتال کے راستے پر آپ کو 14 کلومیٹر کا سفر کرنا پڑے گا۔
