تلنگانہ کے ضلع بھدرادری کے کْتہ گوڑیم کے بھدراچلم میں ایک بڑا سانحہ پیش آیا ہے۔ بھدراچلم میں رہنے والے نوجوان اپنے دوستوں کے ساتھ سری سیتا رام چندر سوامی کے درشن کرنے آئے۔ پانچ نوجوان جو کہ انجنینرگ کے5 طالب علم ہیں گوداوری ندی میں نہانے گئے تھے۔لاپتہ ہو گئے۔ یہ واقعہ بھدراچلم کے مضافات میں ویلرو علاقہ میں پیش آیا۔
نہانے کےدوران پیش آیا حادثہ
باہر آنے والے طلباء کی طرف سے دی گئی تفصیلات درج ذیل ہیں۔ پانچ نوجوان بھدراچلم میں بھدرادری رمایا کے درشن کرنے آئے تھے۔ بعد میں، وہ شہر کے مضافات میں ویلرو علاقے میں گوداوری ندی میں نہانے گئے۔ ندی کا بہاؤ گہرا ہونے کی وجہ سے پانچوں نوجوان اچانک پانی میں بہہ گئے۔ لاپتہ افراد کی شناخت ستیش، نوادیپ، تیجا ، ابھی رام اور سریکر کے طور پر کی گئی ہے۔ ان کے ساتھ موجود دیگر دو نوجوان بحفاظت نکل آئے اور انھوں نے معلومات فراہم کیں۔
سرچ آپریشن جاری
اطلاع ملتے ہی بھدراچلم پولیس اور فائر بریگیڈ کا عملہ موقع پر پہنچ گیا۔ ایس آئی ستیش اور شیام پرساد کی قیادت میں تلاشی مہم تیز کی گئی۔ فائر اسٹاف کمار، ہریش، ستیش مقامی تیراکوں کے ساتھ دریا میں نوجوانوں کی تلاش کر رہے ہیں۔ لاپتہ ہونے والے افراد کے بارے میں فی الحال کچھ معلوم نہ ہونے کی وجہ سے نوجوان کے اہل خانہ اور دوست احباب پریشان ہیں۔
یہ واقعہ اس وقت پیش آیا جب سات طالب علموں کا ایک گروپ، جو کہ اْگاڈی کی چھٹیوں کے دوران اس علاقے میں آیا تھا، ایٹاپاکا منڈل کے کولیگوڈیم ریت کے ریمپ کے ایک حصے کے قریب نہانے کے لیے دریا میں داخل ہوا۔حکام کے مطابق، امراوتی کے ایک کالج میں بی ٹیک کے دوسرے سال کے طالب علم تصویریں لے رہے تھے جب وہ اچانک پانی کے تیز بہاؤ میں پھنس گئے اور بہہ گئے۔
جب کہ ان میں سے دو تیر کر محفوظ مقام پر پہنچنے میں کامیاب ہو گئے، پانچ دیگر لاپتہ ہو گئے۔ لاپتہ طلباء کی شناخت ابھی رام، سریکر، تیجا، ستیش اور نوادیپ کے طور پر ہوئی ہے۔ ابھی رام اور سریکر بھدراچلم علاقے کے رہنے والے بتائے جاتے ہیں۔
