مہاراشٹرمیں ایک خوفناک سڑک حادثہ پیش آیا۔ شولاپور ضلع کے مالشیرس تعلقہ میں مہسواڈ-پنڈھر پور روڈ پر مسافروں سے بھری ایک پک اپ گاڑی کنویں میں گرنے سے 8 افراد کی موت ہو گئی۔
ابتدائی اطلاعات سے پتہ چلتا ہے کہ ہلاک ہونے والے ایک ساگر چوگولے کے کنبہ کے افراد تھے جو ایک مندر کےدرشن کرنے گئے تھے۔ ان تمام کا تعلق پنڈھر پور تعلقہ کے رنجانی گاؤں سے تھا۔ ٹنڈول واڑی کے قریب یہ حادثہ اس وقت پیش آیا جب وہ مہسواد میں ایک مندر کا دورہ کرنے کے بعد واپس آرہے تھے۔اطلاعات کے مطابق مہلوکین میں پانچ سے چھ بچے بھی شامل ہیں۔ ذرائع نے بتایا کہ جس کنویں میں وین گری تھی اس میں حفاظتی دیوار کی کمی تھی۔
پولیس اور مقامی لوگوں کے مطابق سولاپور ضلع کے گاؤں رنجنی گاؤں کےعقیدت مند ایک پک اپ ٹرک میں مہسواد علاقے میں سدھناتھ مندر کے درشن کے لیے گئے تھے۔ وہاں سے پنڈھر پور واپسی کے دوران ٹنڈول واڑی کے قریب پک اپ ٹرک اچانک کنٹرول کھو بیٹھا اور سڑک کے کنارے ایک زرعی کنویں سے ٹکرا گیا۔ کنواں مکمل طور پر پانی سے بھرا ہوا تھا۔ اور پک اپ ٹرک لمحوں میں ڈوب گیا۔
بتایا کہ جس کنویں میں وین گری تھی اس میں حفاظتی دیوار کی کمی تھی۔ سب ڈسٹرکٹ ہسپتال کے میڈیکل سپرنٹنڈنٹ ڈاکٹر نے کہا، "حادثے میں شامل پک اپ ٹرک میں کل 16مسافر سوار تھے۔ مقامی لوگوں نے اسے دیکھتے ہی امدادی کاروائیاں شروع کر دیں۔ اطلاع ملنے پر پولیس، فائر بریگیڈ اور ریسکیو ٹیمیں موقع پر پہنچ گئیں اور امدادی کاروائیاں شروع کر دیں۔ کنویں سے آٹھ لاشیں نکال لی گئیں۔ مرنے والوں میں چار خواتین اور چار بچے بھی شامل ہیں۔ دیگر افراد کو بحفاظت باہر نکال کر ہسپتال لے جایا گیا۔ ان کی حالت فی الحال مستحکم ہے۔
مہلوکین کی شناخت ۔
1. اندو بائی دشرتھ بھاؤ - عمر 60
2. پوجا امول ستور - عمر 23
3. سمرتھ بالاجی باوچے-عمر 27
4. اشونی سندیپ باوچے-عمر 27
5. سنسکار سندیپ باوچے-عمر 14
6. سنسکرت سندیپ باوچے-عمر 14
7. پوجا بالاجی باوچے -چھ ماہ
8. آراو اشوک ستارے - عمر 8 سال
حادثے کے بعد، این سی پی (شرد پوار) کے ایم ایل اے روہت پوار نے ایکس (سابقہ ٹویٹر) پر اس واقعہ کو انتہائی تکلیف دہ، بدقسمتی اور بے حسی کے طور پر بیان کیا۔
انہوں نے پوسٹ کیا، "مہلوکین کو دلی خراج عقیدت! ہم سب اس غم میں برابر کے شریک ہیں جو متاثرین کے اہل خانہ کو پہنچا ہے۔ اس حادثے کی وجوہات کی تحقیقات کے ساتھ ساتھ، حکومتی مشینری کو فوری طور پر امدادی کارروائیوں میں مدد کرنی چاہیے۔"
سولاپور کے نگران کار وزیر جئے کمار گور نے پنڈھارپور سے اس واقعہ پر تبصرہ کرتے ہوئے کہا، " عقیدت مندوں کی موت ایک انتہائی افسوسناک واقعہ ہے۔ میں پولیس سے معلومات اکٹھا کر رہا ہوں۔ ہم اس بات کی تصدیق کریں گے کہ کنویں کی دیوار تھی یا نہیں اور ذمہ داروں کے خلاف کارروائی کریں گے۔"
ابھی تک یہ واضح نہیں ہے کہ حادثہ کیسے پیش آیا۔ پولیس اس بات کی تحقیقات کر رہی ہے کہ آیا پک اپ ٹرک میں تکنیکی خرابی تھی یا ڈرائیور کی غفلت تھی۔ دوسری جانب مقامی لوگوں کا کہنا ہے کہ جس کنویں میں حادثہ پیش آیا وہاں حفاظتی دیواریں نہیں تھیں جس کی وجہ سے کئی افراد جان کی بازی ہار گئے۔
