مہاراشٹر کے نائب وزیر اعلیٰ اجیت پوار جو گزشتہ روز طیارہ حادثے میں ہلاک ہو گئے، کی آج 29 جنوری کو بارامتی میں پورے سرکاری اعزاز کے ساتھ آخری رسومات ادا کی گئیں۔ اس موقع پر وزیر داخلہ امت شاہ سمیت مہاراشٹر حکومت کی پوری کابینہ موجود تھی۔ اجیت پوار کے ہزاروں مداحوں نے ان کے آخری سفر کے دوران انہیں نم آنکھوں سے الوداع کیا۔ قبل ازیں اجیت پوار کی میت ان کی رہائش گاہ کاٹے واڑی، بارامتی، پونے میں لائی گئی، جہاں ان کے اہل خانہ، رہنماؤں اور دیگر افراد نے انہیں خراج عقیدت پیش کی۔
آخری رسم میں کون کون شامل ہوا؟
آخری رسم میں مرکزی وزیر نتن گڈکری، بھارتیہ جنتا پارٹی کے قومی صدر نتن نبین، مہاراشٹر کے چیف منسٹر دیویندر فڈنویس اور ڈپٹی چیف منسٹر ایکناتھ شنڈے، گوا کے چیف منسٹر پرمود ساونت، آندھرا پردیش کے وزیر نارا لوکیش، مہاراشٹر کا پورا کابینہ، نیشنلسٹ کانگریس پارٹی (این سی پی) کے تمام ایم ایل اے، مہاراشٹر اسمبلی اسپیکر راہل نارویکر، مرکزی وزیر سشیل کمار شنڈے، مہاراشٹر بھاجپا صدر رویندر چوان، شرد پوار، سپریا سُلے اور پورا خاندان موجود رہے۔
بارامتی سے شروع ہوا اجیت کا سفر بارامتی میں ہی ختم:
بارامتی کو پوار خاندان کا مضبوط گڑھ سمجھا جاتا ہے۔ والد کے انتقال کے بعد اجیت نے بھی اپنا سیاسی سفر یہیں سے شروع کیا تھا۔ 1982 میں اجیت نے پہلی بار سیاست میں قدم رکھا اور کوآپریٹو شوگر فیکٹری کے بورڈ ممبر منتخب ہوئے۔ 1991 میں وہ پہلی بار بارامتی سے لوک سبھا ممبر بنے، لیکن چچا شرد پوار کے لیے سیٹ چھوڑ دی۔ اسی سال بارامتی سے اسمبلی الیکشن جیتا اور مسلسل 6 بار ایم ایل اے رہے۔
طیارے کا بلیک باکس برآمد:
طیارے کا بلیک باکس برآمد کر لیا گیا ہے۔ حکام اب اس کا استعمال ان واقعات کی ترتیب کا تعین کرنے کے لیے کریں گے جن کی وجہ سے حادثہ پیش آیا۔ دریں اثنا، پونے دیہی پولیس نے ہوائی جہاز کے حادثے کے بارے میں بارامتی تعلقہ پولس اسٹیشن میں حادثاتی موت کی رپورٹ (ADR) درج کی ہے۔ پولیس کا کہنا ہے کہ وہ حادثے کی تمام پہلوؤں سے تفتیش کر رہے ہیں۔
لینڈنگ سے ٹھیک پہلے کرش ہو گیا اجیت پواکا طیارہ:
اجیت 28 جنوری کو نجی طیارے سے ممبئی سے بارامتی جا رہے تھے۔ ان کے ساتھ نجی سیکیورٹی آفیسر اور پائلٹ سمیت 4 اور لوگ تھے۔ طیارہ نے ممبئی سے صبح 8:10 بجے اڑان بھری اور بارامتی میں 8:30 بجے لینڈنگ کی پہلی کوشش کی۔ اس وقت پائلٹ نے کم نظر آنے کی وجہ سے دوبارہ اڑان بھری۔ 8:43 بجے دوبارہ لینڈنگ کی اجازت ملنے کے ایک منٹ بعد ہی طیارہ گر کر تباہ ہو گیا۔ حادثے میں طیارے میں سوار تمام لوگ ہلاک ہو گئے۔
