af091cb5-26bc-44a5-8a91-f9f6c28b4edc123202510327.jpg)
الہٰ آباد ہائی کورٹ نے اے ایس آئی کو سنبھل کی جامع مسجد کو پینٹ اور روشن کرنے کا حکم دیا ہے۔ ہائی کورٹ نے رمضان المبارک کے موقع پر جامع مسجد کو رنگ وروغن کرنے اور روشنی کرنے کی اجازت دے دی۔ اے ایس آئی کو ایک ہفتے کا وقت دیا گیا ہے۔ جسٹس روہت رنجن اگروال کی عدالت کیس کی سماعت کر رہی ہے۔
سماعت کے دوران مسجد کے فریق نے عدالت کو بتایا کہ ڈیڈ لائن کے باوجود اے ایس آئی نے سروے نہیں کیا۔ انہوں نے کہا کہ آج صبح افسران کی ٹیم سروے کے لیے پہنچ رہی ہے۔ اس پر عدالت نے اے ایس آئی کی سرزنش کرتے ہوئے کہا کہ بار بار کی توسیع لینے کے باوجود اے ایس آئی مسجد کمیٹی کے اعتراضات کا واضح جواب دینے اور رنگ کروانے سے گریز کررہی ہے جبکہ مسجد کی سفیدی کروانا ASIکی ذمہ داری ہے۔ عدالت نے کہا کہ اے ایس آئی اپنی ذمہ داریوں سے بھاگ رہا ہے۔ عدالت نے کہا کہ اے ایس آئی اہلکار سیاسی وجوہات کی بنا پر خود کو بچا نے کی کوشش کررہے ہیں۔
Prayagraj, Uttar Pradesh: The Allahabad High Court accepted the petition of the Shahi Jama Masjid committee in Sambhal, allowing exterior painting and lightning installation on the mosque’s outer walls
— IANS (@ians_india) March 12, 2025
Advocate Syed Ahmad Faizan, says, "Since Ramadan was approaching, the mosque… pic.twitter.com/zHJuHHAybz
مسجد کمیٹی نےاے ایس آئی کی رپورٹ پرجتایااعتراض
سنبھل جامع مسجد کی پینٹنگ کا مطالبہ کرتے ہوئے پیر کو الہ آباد ہائی کورٹ میں سماعت ہوئی۔ عدالت نے کیس کی سماعت 12 مارچ تک ملتوی کر دی۔ عدالتی حکم کی تعمیل میں اے ایس آئی نے تحقیقاتی رپورٹ داخل کی تھی۔ رپورٹ میں آرکیالوجیکل سروے آف انڈیا (اے ایس آئی) نے کہا تھا کہ مسجد میں پینٹنگ کی کوئی ضرورت نہیں ہے۔ تحقیقات کے دوران مسجد میں گندگی اور بعض مقامات پر جھاڑیاں اُگتی ہوئی پائی گئیں۔ اس کی تصاویر بھی اے ایس آئی نے عدالت میں داخل کیں۔
Sambhal, Uttar Pradesh: The Allahabad High Court approved the painting and renovation of Jama Masjid in Sambhal, which brought happiness to the Muslim community. They expressed that the mosque is traditionally painted every year during Ramadan and welcomed the court's decision,… pic.twitter.com/gDADAFAyi0
— IANS (@ians_india) March 12, 2025
عدالت نے اے ایس آئی کو مسجد کی صفائی اور وہاں اگی ہوئی جھاڑیوں کو صاف کرنے کا حکم دیا تھا۔ مسلم فریق نے اے ایس آئی کی تحقیقاتی رپورٹ کے خلاف اعتراض داخل کرنے کے لیے وقت لیا تھا۔ ہندو فریق نے بھی حلف نامہ داخل کرنے میں وقت لیا۔ عدالت نے فریقین کے دلائل سننے کے بعد کیس کی سماعت 12 مارچ تک ملتوی کر دی۔ بدھ کو اس معاملے کی سماعت کرتے ہوئے ہائی کورٹ نے اے ایس آئی کو حکم دیا ہے کہ وہ مسجد کو پینٹ کر کے روشن کریں۔
19a0fbb8-0fe2-48bc-9045-284ea15f2a301232025132819.jpg)
963f663c-b527-4dd2-8cf9-095cf33816251232025105925.jpg)
