بالی ووڈ کے مشہور اداکار امیتابھ بچن نے اپنی صحت کے بارے میں پھیلنے والی خبروں پر وضاحت کرتے ہوئے کہا ہے کہ وہ بالکل ٹھیک ہیں۔ حال ہی میں ان کی ایک بلاگ پوسٹ میں "ہسپتال"، "سرجری" اور "آئی سی یو" جیسے الفاظ کا ذکر آیا تھا، جس کے بعد فینز پریشان ہو گئے تھے۔امیتابھ بچن نے اب واضح کیا ہے کہ انہوں نے کوئی سرجری نہیں کروائی ـ
امیتابھ بچن نے کیا وضاحت دی؟
اپنے بلاگ میں امیتابھ بچن نے بتایا کہ وہ اپنی صحت کے بارے میں بات نہیں کر رہے تھے، بلکہ وہ ایک مثال دے رہے تھے۔ انہوں نے بتایا کہ جیسے کوئی شخص سرجری یا آئی سی یو سے واپس آنے کے بعد جسمانی اور ذہنی مشکلات کا سامنا کرتا ہے، اسی طرح ایک کامیاب چیمپئن کو بھی ناکامی کے بعد مشکل وقت سے گزرنا پڑتا ہے۔ انہوں نے کہا کہ ان کی پچھلی پوسٹ کے تبصرے سے ہٹ کر سمجھا گیا۔
امیتابھ بچن نے لکھا کہ: میں ٹھیک ہوں، میری پوسٹ کو غلط سمجھا گیا۔ میں صرف ایک مثال دے رہا تھا کہ سرجری یا آئی سی یو کے بعد گھر واپسی کا وقت سب سے مشکل مرحلہ ہوتا ہے۔ لوگوں نے اسے میری ذات سے جوڑ لیا۔
انہوں نے چیمپئن کی مثال کیوں دی؟
امیتابھ بچن نے اپنی بات کو ایک کھلاڑی کی مثال سے سمجھایا۔ انہوں نے کہا کہ ہر چیمپئن کو کبھی نہ کبھی شکست کا سامنا کرنا پڑتا ہے، لیکن اصل کامیابی اس میں ہے کہ انسان دوبارہ کھڑا ہونے کی کوشش کرے۔ انہوں نے کہا کہ جسم وقت کے ساتھ خود کو بدل لیتا ہے اور حالات کے مطابق ڈھل جاتا ہے، شاید پہلے جیسی طاقت نہ رہے، لیکن انسان دوبارہ کوشش کر سکتا ہے۔انہوں نے لکھا کہ زندگی ہمیشہ انسان کو نئی چیزیں سکھاتی رہتی ہے۔
فینزکیوں پریشان ہوئے؟
امیتابھ بچن کی پریشانی کا آغاز اس وقت ہوا جب انہوں نے فیفا ورلڈ کپ فائنل کے ایک دن بعد ایک بلاگ پوسٹ لکھی۔اس پوسٹ میں انہوں نے ہسپتال، سرجری، آئی سی یو، ڈسچارج اور گھر واپسی کے بعد کے مشکل وقت کا ذکر کیا تھا۔چونکہ انہوں نے اس وقت واضح نہیں کیا تھا کہ وہ یہ بات کس حوالے سے کر رہے ہیں، اس لیے بہت سے فینز نے سمجھا کہ وہ اپنی صحت کے بارے میں بتا رہے ہیں۔
فینز کو اطمینان
اپنی نئی وضاحت کے بعد امیتابھ بچن نے واضح کر دیا ہے کہ ان کی صحت کو کوئی مسئلہ نہیں ہے اور انہوں نے صرف ایک مثال کے ذریعے زندگی کی مشکلات اور دوبارہ جدوجہد کرنے کے بارے میں بات کی تھی۔
3dfc44a6-6bfd-4fd5-b16c-aff9acd69f92227202615208.jpg)
