بی جے پی کے سابق صدر دلیپ گھوش کو مغربی بنگال میں بڑا جھٹکا لگا ہے ۔ ان کی بیوی رنکو مجمدار کے بیٹے شرنجے داس گپتا (27) کی منگل کی صبح پراسرار حالات میں موت ہو گئی۔شرنجےصبح سویرے نیو ٹاؤن میں واقع ان کی ساپورجی رہائش گاہ پر بے ہوشی کی حالت میں پائے گئے اور انہیں بیدھا نگر سروس اسپتال لے جایا گیا۔ جہاں ڈاکٹروں نے اسے مردہ قرار دے دیا۔پولیس نے لاش کو پوسٹ مارٹم کے لیے بھیج دیا ہے اور تحقیقات کر رہی ہے۔
شرنجے ایک آئی ٹی کمپنی میں کام کرتا تھا۔
آنندبازار پتریکا کے مطابق شرنجائے عرف پریتم کولکتہ کے سالٹ لیک میں واقع ایک آئی ٹی کمپنی میں کام کرتا تھا ۔آپ کو بتا دیں کہ شرنجوئے کی ماں رنکو مجمدار نے صرف 25 دن پہلے 18 اپریل کو دلیپ گھوش سے دوسری شادی کی تھی۔ سرینجے کی موت کے بارے میں ابھی تک رنکو یا دلیپ کی طرف سے کوئی عوامی بیان نہیں آیا ہے۔ماں کی شادی کے 25 دن بعد نوجوان کی پر اسرارموت ایک سوال بن گیا ہے ۔
شرنجے شادی کے دن باہر تھے۔
اطلاعات کے مطابق شرنجے بی جے پی لیڈر گھوش کے ساتھ اپنی ماں کی شادی کے دن شہر میں نہیں تھے۔ وہ اپنے دوستوں کے ساتھ سیر کے لیے گیا ہوا تھا۔تاہم انہوں نے اپنا مبارکبادی پیغام بھیجا تھا اور کہا تھا کہ وہ اپنی والدہ سے ملنے کولکتہ آئیں گے اور انہیں تحفہ بھی دیں گے۔انہوں نے اپنی والدہ کی نئی زندگی شروع کرنے پر خوشی کا اظہار کرتے ہوئے کہا تھا کہ انہوں نے دلیپ گھوش کو اپنا والد مان لیا ہے۔
گھوش کی شادی 18 اپریل کو ہوئی تھی۔
گھوش، جو مدنی پور لوک سبھا حلقہ سے رکن پارلیمنٹ رہے ہیں ، انہوں نے 50 سالہ رنکو مجمدار سے 18 اپریل کو خاندان کے چند افراد کی موجودگی میں شادی کی۔گھوش کا نیو ٹاؤن میں ایک مکان بھی ہے جہاں سے شرنجے کی لاش ملی ۔ شرنجے رنکو کا اکلوتا بیٹا تھا۔شرنجے کے والد راجہ داس گپتا ہیں، جن سے رنکو کی طلاق ہو چکی ہے۔
46b0a379-9bc5-4516-8809-c10c46bb5d06155202592918.jpg)
