دہلی کی پتپڑ گنج اسمبلی سیٹ سے جیتنے والے بی جے پی لیڈر رویندر سنگھ نیگی نے بڑا بیان دیا ہے۔ عام آدمی پارٹی کے لیڈر اودھ اوجھا کو شکست دینے والے بی جے پی لیڈر نیگی نے کہا کہ اے اے پی لیڈر اور سول سروسز کوچ کے ٹیچراودھ اوجھا تعلیم بیچتے تھے۔ اب وہ دوبارہ تعلیم فروخت کرینگے انہوں نے کوئی ایسا کام نہیں کیا جس سے عوام کو فائدہ ہو۔ اودھ اوجھا بھاری فیس لیتے ہیں۔ تعلیم کا کاروبار کر رہے ہیں۔
میڈیا رپورٹ کے مطابق، بی جے پی لیڈر رویندر سنگھ نیگی نے کہا، اودھ اوجھا اپنی دکان، اپنا بازار چلاتے تھے، وہ تعلیم بیچتے تھے۔ اب وہ دوبارہ تعلیم فروخت کرینگے ۔ انہوں نے کوئی ایسا کام نہیں کیا جس سے عوام کو فائدہ ہو۔ الیکشن کے دوران میں نے پوچھا تھا کہ ایسے دو آئی اے ایس افسران کا نام بتائیں جن سے آپ نے فیس نہیں لی تھی۔ آپ 6 سے 8 لاکھ روپے کی بھاری فیس لیتے ہیں۔ اب مجھے لگتا ہے کہ وہ اپنے تعلیمی کاروبار میں واپس چلے جائینگے۔
بی جے پی ایم ایل اے رویندر نیگی نے کہا کہ میں ایک ہندو گھرانے میں پیدا ہوا، یہ میری خوش قسمتی ہے اور اگر میں ہندوؤں کی بات نہ کروں تو میری زندگی بیکار ہے۔ مجھے ہندوؤں کی حفاظت کرنی ہے۔ میں 5 سال پہلے الیکشن ہارا اور الیکشن ہارنے کے بعد مسلسل عوام کے درمیان رہا، ان کی خوشی اور غم میں ان کے ساتھ کھڑا رہا۔ اس کا نتیجہ یہ ہوا کہ لوگوں نے دل کھول کر مجھے نوازا۔ پچھلی بار وہ 2800 ووٹوں سے ہارے تھے لیکن اس بار وہ مارجن 28 ہزار تک لے گئے۔ یہ اس کام کی فتح تھی جو ہم نے پچھلے پانچ سالوں میں کیا تھا۔
جب رویندر نیگی سے پوچھا گیا کہ سی ایم کے لیے ان کے نام پر غور کیا جا رہا ہے تو انہوں نے جواب دیا، یہ بڑی بات ہے کہ میں ایم ایل اے بن گیا ہوں۔ پی ایم مودی نے ہم جیسے غریب متوسط گھرانے کو ودھان سبھا جانے کا موقع دیا اور مجھے ایک بار نہیں بلکہ دو بار ٹکٹ دیا، پچھلی بار بھی میں ہار گیا تھا۔ جہاں تک سی ایم کے چہرے کا تعلق ہے، بی جے پی کے پاس اور بھی بہت سے بڑے چہرے ہیں۔ ہماری قانون ساز پارٹی کی میٹنگ ہوگی، اس میٹنگ میں جس کو بھی وزیر اعظم مودی، امیت شاہ اور جے پی نڈا مقرر کریں گے، ہم اسے متفقہ طور پر وزیر اعلیٰ کے طور پر قبول کریں گے۔
ایم ایل اے بننا بہت بڑا اعزاز ہے۔ ہماری نسل، ہمارے آباؤ اجداد نے خواب میں بھی نہیں سوچا ہوگا کہ ہم ایم ایل اے بنیں گے۔ ایم ایل اے کی حیثیت سے ہم عوام کی بھلائی کریں گے۔ وزیراعلیٰ کے لیے 48 چہرے ہیں۔ کئی بڑے لیڈر ہیں، جنہیں پارٹی وزیر اعلیٰ بنائے گی۔ جلد ہی 48 میں سے ایک آپ کے سامنے آئے گا۔ وہی دہلی کا انتظام سنبھالے گا۔
15438078-3f11-488a-8409-7a904bbbd5d02022025144226.jpg)
07ecd51e-595b-4652-801c-6e793214fe59202202514629.jpg)
