اتر پردیش کے غازی پور سے ایک چونکا دینے والا واقعہ سامنے آیا ہے۔ یہاں ایک شخص نے زمین کے تنازع پر باپ، ماں اور بہن کا قتل کر دیا۔ واقعہ کی اطلاع ملنے پر پولیس نے موقع پر پہنچ کر لاشوں کو تحویل میں لے کر پوسٹ مارٹم کے لیے بھیج دیا۔ پولیس تفتیش میں یہ بات سامنے آئی ہے کہ ملزم نے تینوں کو کلہاڑی سے وار کر کے قتل کیا۔ یہ واقعہ غازی پور کے نند گنج تھانہ علاقہ میں پیش آیا ہے۔
پولیس کے مطابق ملزم اور اس کے اہل خانہ کے درمیان کچھ عرصے سے زمین کو لے کر تنازع چل رہا تھا۔ اسی جھگڑے کی وجہ سے ملزم نے آج یہ واردات انجام دی۔ تینوں کی موقع پر ہی موت ہو گئی۔ پولیس فی الحال اس معاملے کی ہر زاویے سے تفتیش کر رہی ہے۔
یہ پہلا واقعہ نہیں:
یوپی میں 'رشتوں کی موت' کا یہ پہلا واقعہ نہیں ہے۔ کچھ دن پہلے ایسا ہی ایک واقعہ اتر پردیش کے کاس گنج میں پیش آیا۔ یہاں 9 بچوں کی ماں رینا نے اپنے عاشق حنیف کے ساتھ مل کر اپنے شوہر رتیرام کو قتل کر دیا۔ پولیس نے رینا اور اس کے عاشق کو گرفتار کرلیا۔
ان دونوں نے مل کر اس واردات کو کیسے انجام دیا؟
پولیس کی تفتیش میں انکشاف ہوا کہ 9 بچوں کی ماں رینا نے اپنے شوہر کو اس لیے قتل کیا کیونکہ وہ اپنے عاشق حنیف کی محبت میں پاگل تھی۔ کاس گنج کے ایڈیشنل پولیس سپرنٹنڈنٹ راجیش بھارتی نے کہا کہ دونوں کا کہنا ہے کہ وہ ایک دوسرے سے پیار کرتے ہیں۔ رینا کے شوہر رتی رام نے اس کی مخالفت کی۔ جس کے بعد دونوں نے مل کر اسے ختم کرنے کا منصوبہ بنایا۔ وہ رتیرام کو جنگل میں لے گئے، اسے قتل کر دیا اور اس کی لاش قریبی ٹیوب ویل کے کنویں میں پھینک دی، تاکہ وہ ان کے درمیان رکاوٹ نہ بن جائے۔
