آندھراپردیش کےوزیراعلیٰ این چندرا بابونائیڈو ریاست میں سرمایہ کاری کو راغب کرنے کے مقصد سے اپنے لندن کے دورے کے دوران صنعتکاروں سے ملاقات کررہے ہیں۔ اس دورے کے ایک حصے کے طور پر، انہوں نے لندن میں بجلی فراہم کرنے والی سب سے بڑی کمپنی آکٹوپس انرجی انٹرنیشنل کے نمائندوں سے ملاقات کی۔ انہوں نے انہیں ریاست میں قابل تجدید توانائی کے شعبے میں سرمایہ کاری کرنے کی دعوت دی۔
اس موقع پر اےپی، سی ایم نے آکٹوپس انرجی انٹرنیشنل کے ڈائریکٹر کرس فٹزجیرالڈ سے خصوصی ملاقات کی۔ سی ایم نے کمپنی کو آندھرا پردیش میں قابل تجدید توانائی کے شعبے میں سرمایہ کاری کرنے کی دعوت دی۔ چندرا بابو نے وضاحت کی کہ نئی ٹکنالوجی کے ذریعے بجلی کی فراہمی اور کنٹرول کے شعبے میں مل کر کام کرنے کے بے پناہ مواقع ہیں، خاص طور پر امراوتی اور وشاکھاپٹنم جیسے شہروں میں۔ انہوں نے
واضح کیا کہ اے پی میں صاف توانائی، اسمارٹ گرڈ اور ڈیٹا اینالیٹکس جیسے جدید شعبوں میں سرمایہ کاری کے لیے موزوں ماحول موجود ہے۔ چیف منسٹر نے انہیں بتایا کہ آندھرا پردیش حکومت قابل تجدید توانائی کو اعلیٰ ترجیح دے رہی ہے اور ریاست نے 160 گیگا واٹ سبز توانائی پیدا کرنے کا ہدف مقرر کیا ہے۔ انہوں نے انہیں صنعتی پالیسیوں اور اہداف کے بارے میں بتایا جو پاور سیکٹر میں حکومت کی طرف سے پیروی کی جا رہی ہیں۔
چندرا بابو نائیڈو نے آکٹوپس انرجی کے نمائندوں سے کہا کہ وہ ریاست میں آئیں، زمینی صورتحال کا معائنہ کریں اور سرمایہ کاری کریں۔
14اور15نومبرکو سی آئی آئی پارٹنرشپ سمٹ
آندھرا پردیش کے وزیر نارا لوکیش نے کہاکہ آندھرا پردیش میں 14 اور 15 نومبر 2025 کو سی آئی آئی پارٹنرشپ سمٹ میں 9.8 لاکھ کروڑ روپئے کے 410 معاہدوں پر پر دستخط کرے گا۔ اس سمٹ میں مرکزی وزراء نرملا سیتا رمن، پیوش گوئل، اشونی ویشنو، اور دیگر، کی شرکت متوقع ہے۔ انھوں نے بتایاکہ وشاکھاپٹنم اس سربراہی اجلاس 45 ممالک کے 300 غیر ملکی مندوبین کی میزبانی کرے گا، جس میں G20 کے ارکان، 72 بین الاقوامی مقررین شامل ہیں۔
