وزیر اعظم نریندر مودی کی قیادت میں این ڈی اے حکومت کی 12 ویں سالگرہ کے موقع پر بدھ کو مرکزی کابینہ کی میٹنگ ہوئی۔ اس میٹنگ میں احمد آباد میٹرو ریل پروجیکٹ کی توسیع سمیت کئی اہم فیصلے کیے گئے۔ کابینہ نے احمد آباد میٹرو کے فیز 2A کے تحت 6 کلومیٹر طویل راہداری کو منظوری دی، جس میں پانچ نئے اسٹیشنوں کی تعمیر ہوگی۔
آندھراپردیش کیلئے دو پروجیکٹوں کی منظوری
امراوتی، آندھرا پردیش سے متعلق کئی بڑے پروجیکٹوں کو بھی منظوری دی گئی۔ آندھرا پردیش کے نئے دارالحکومت امراوتی کے لیے مرکزی حکومت کے دو بڑے بنیادی ڈھانچے کے منصوبوں کا اعلان کیا گیا ہے۔ ان میں1,299 کروڑ روپئے کی لاگت سے 23.25 لاکھ مربع فٹ پر پھیلے ہوئے مرکزی حکومت کے جنرل پول آفس کی رہائش (گورنمنٹ ہاؤسنگ) اور 1,235 کروڑ روپئے کی لاگت سے 31.30 لاکھ مربع فٹ پر پھیلے ہوئے جنرل پول رہائش شامل ہیں۔
احمد آباد میٹروایکسٹینشن
احمد آباد میٹرو ریل پروجیکٹ کی توسیع پر تقریباً 2,169 کروڑ روپے لاگت کا تخمینہ ہے۔ اس سے تقریباً 2500 افراد کو روزگار بھی ملے گا۔ احمد آباد-گاندھی نگر میٹرو روٹ 77.63 کلومیٹر پر محیط ہوگا۔
مودی جی نے کام کےذریعہ ملک کو آگے بڑھایا
مرکزی وزیر اشونی ویشنو نے کابینہ کے فیصلوں کی جانکاری دی ۔ ویشنو نے کہا، "پنڈت نہرو ایک ممتاز سیاسی خاندان سے آئے تھے۔ ہم نے ابھی انگریزوں سے آزادی حاصل کی تھی۔ ماحول اور ذہنیت مختلف تھی۔ ملک نے ایسے لوگوں پر بھروسہ کیا جن کا کوئی سیاسی پس منظر نہیں تھا، جو بہت عام خاندانوں سے آئے تھے، اور جنہوں نے اپنے کام کے ذریعے ملک کو آگے بڑھایا۔"
پی ایم مودی نےطویل اورمسلسل خدمات کا نیا ریکارڈ قائم کیا
وزیر ریل نے کہا، "آج پی ایم مودی نے ایک منتخب وزیر اعظم کے طور پر ملک کے لیے سب سے طویل مسلسل خدمات کا نیا ریکارڈ قائم کیا ہے۔ مرکزی کابینہ نے اس موقع پر ایک قرارداد منظور کی ہے۔ اس قرارداد میں ایک منتخب وزیر اعظم کے طور پر پی ایم مودی کی ملک کے لیے مسلسل خدمات کے اس تاریخی سنگ میل پر بحث کی گئی ہے اور کئی وعدوں اور قراردادوں کا خاکہ پیش کیا گیا ہے۔ ملک کے سب سے طویل عرصے تک رہنے والے منتخب وزیر اعظم، مسلسل 4,399 دن تک وزیر اعظم کے طور پر خدمات انجام دینے کا یہ ایک سنگ میل ہے جو آزاد ہندوستان کی تاریخ میں پہلی بار حاصل کیا گیا ہے۔"
