بھارت میں ایک بار پھر کورونا وائرس کے کیسز میں لگاتار اضافہ ہو رہا ہے۔ وزارت صحت کے مطابق، بدھ کو ہندوستان میں کووڈ -19 کے ایکٹیو کیسوں کی کل تعداد 4,302 ہے۔ بھارت میں گزشتہ 24 گھنٹوں میں تقریباً 300 نئے کووِڈ کیسز درج کیے گئے ہیں ، جن میں سب سے زیادہ کیسز کیرالہ میں درج کیے گئے ہیں۔ دریں اثنا، گزشتہ 24 گھنٹوں کے دوران ملک میں کووڈ سے متعلق مزید دو اموات درج کی گئیں،وہیں گزشتہ 48 گھنٹوں میں 21افراد جان کی بازی ہار چکے ہیں۔
24 گھنٹوں میں 7 افراد کی موت:
گزشتہ 24 گھنٹوں میں 7 مریضوں کی موت ہوئی ہے۔ مہاراشٹر میں سب سے زیادہ 4 اموات ہوئیں۔ (1) 55 سالہ مرد، (2) 73 سالہ شخص، (3) 23 سالہ لڑکی، (4) 27 سالہ نوجوان فوت ہوئے۔ تمل ناڈو میں ایک 76 سالہ شخص کی موت ہوگئی۔ گجرات میں بھی ایک مریض کی موت ہوئی ہے۔ دہلی میں ایک 22 سالہ لڑکی کی موت ہوگئی۔
مہاراشٹر میں 86 نئے کیس درج :
محکمہ صحت نے کہا کہ مہاراشٹر میں منگل کو کل 86 نئے کورونا وائرس مثبت کیسز سامنے آئے، اس سال یکم جنوری سے اب تک متاثرین کی تعداد 959 ہوگئی ہے۔ ان میں سے اب تک 435 مریض صحت یاب ہو چکے ہیں، جب کہ ایکٹو کیسز 510 ہیں۔ ریاست میں پیر سے اب تک چار مریضوں کی موت ہو چکی ہے، جن میں سے دو اموات ناگپور میں ہوئی ہیں، جب کہ چندر پور اور میراج میں ایک ایک موت ریکارڈ کی گئی ہے۔
کیرالہ کے محکمہ صحت نے کووڈ-19 سے متعلق رہنما خطوط جاری کیے :
کیرالہ میں کوویڈ 19 کے معاملات میں اضافے کے پیش نظر، ریاستی محکمہ صحت نے اسپتالوں اور صحت کے کارکنوں کو ہدایات جاری کی ہیں۔ نیز، اس نے سرکاری اور نجی اسپتالوں کو فرضی مشقیں کرنے کی ہدایت کی ہے۔ کیرالہ کا محکمہ صحت آن لائن موک ڈرل کرنے کے لیے گوگل فارم فراہم کرے گا۔
