مہاراشٹر میں ایک خوفناک سڑک حادثہ پیش آیا۔ مسافروں کو لے جانے والی ایکو وین سامنے سے آنے والی سیمنٹ مکسر گاڑی سے ٹکرانے سے گیارہ افراد جان کی بازی ہار گئے۔ حادثے میں کئی دیگر زخمی ہوئے۔ یہ واقعہ پیر کی صبح ضلع تھانے میں نیشنل ہائی وے 61 (کلیان-مرباد) پر واقع گوولی گاؤں کے قریب رائتا پل کے قریب پیش آیا۔ تقریباً11 بجے کے آس پاس، ا یکو وین کلیان سے مرباد کی طرف سفر کر رہی تھی جس میں کئی مسافر سوار تھے۔
اس سفر کے دوران وین تیز رفتاری سے مخالف سمت سے آنے والی سیمنٹ مکسر گاڑی سے ٹکرا گئی۔ تصادم کے نتیجے میں 5 مسافر موقع پر ہی دم توڑ گئے، جب کہ باقی 6 اسپتال میں دوران علاج زخموں کی تاب نہ لاتے ہوئے چل بسے۔ کئی دیگر افراد زخمی بھی ہوئے۔ واقعہ کی اطلاع ملتے ہی مقامی لوگوں اور حکام نے فوری طور پر امدادی کارروائیاں شروع کر دیں۔ زخمیوں کو قریبی ہسپتالوں میں منتقل کر دیا گیا۔ حکام نے بتایا کہ متاثرین میں سے بعض کی حالت تشویشناک ہے۔ مرنے والوں میں تین خواتین اور آٹھ مرد شامل ہیں جن میں کالج کے دو طالب علم بھی شامل ہیں۔ جائے حادثہ کے مناظر دل دہلا دینے والے تھے۔
دونوں گاڑیاں ایک دوسرے سے ٹکرا کر بری طرح تباہ ہوگئیں۔ پولیس نے اس واقعہ کے حوالے سے مقدمہ درج کر کے تفتیش شروع کر دی ہے۔ دریں اثناء گجرات میں ایک الگ سڑک حادثے میں سات افراد اپنی جان سے ہاتھ دھو بیٹھے۔ ایک ٹرک کنٹرول کھو بیٹھا اور سڑک کے کنارے پیدل چلنے والے زائرین کے ایک گروپ سے جا ٹکرایا۔ اس واقعے میں ساتوں افراد کی موقع پر ہی موت ہو گئی۔
گجرات میں لکھتر-ویرمگام ہائی وے پر حادثہ 7 ہلاک
گجرات میں لکھتر-ویرمگام ہائی وے پر تیز رفتار ٹرک نے سات یاتریوں کو ہلاک کر دیا۔ دریں اثنا، ایک اور واقعہ میں، گجرات کے سریندر نگر ضلع میں لکھتار-ویرمگام ہائی وے پر پیر کی صبح سویرے ایک تیز رفتار ٹرک کی زد میں آنے کے بعد بھرواڑ برادری کے ایک یاتری گروپ کے سات افراد کی موت ہو گئی جبکہ کئی دیگر زخمی ہو گئے۔یہ حادثہ لکھتر کے قریب چہارڈ اور بھاسکرپارہ گاؤں کے درمیان 1.20 بجے کے قریب اس وقت پیش آیا جب پیدل یاتریوں کا ایک گروپ، جو راجکوٹ کے گڈھکا گاؤں سے مندر کے درشن اور جھنڈا لہرانے کی رسم کے لیے ویرمگام کی طرف جا رہا تھا، ایک ڈمپر ٹرک نے پیچھے سے ٹکر مار دی۔
وزیراعظم نریندر مودی نے کیا دکھ کا اظہار
"گجرات کے سریندر نگر ضلع میں حادثہ انتہائی تکلیف دہ ہے۔ اپنے پیاروں کو کھونے والوں کے تئیں دلی تعزیت۔ زخمیوں کی جلد صحت یابی کی دعا،" وزیر اعظم کے دفتر نے ایکس پر پوسٹ کیا۔متاثرین کا تعلق منڈھوا خاندان سے تھا اور وہ یاترا کرنے والے تقریباً 700 عقیدت مندوں کے ایک بڑے گروپ کا حصہ تھے۔
پانچ خواتین اور دو مردوں سمیت سات افراد موقع پر ہی دم توڑ گئے۔ مرنے والوں کی شناخت مسابھائی منڈھوا، جالوبین منڈھوا، رانی بین لمباریہ اور وجی بین منڈھوا کے علاوہ دیگر کے طور پر ہوئی ہے۔
نائب صدرجمہوریہ اور لوک سبھا اسپیکرکا تعزیت
پی ایم مودی نے کہاکہ گجرات کے سریندر نگر ضلع میں پیش آنے والا حادثہ انتہائی افسوسناک ہے۔ جن لوگوں نے اپنے پیاروں کو کھو دیا ہے ان سے دلی تعزیت۔ زخمیوں کی جلد صحت یابی کے لیے دعائیں۔ پی ایم او نے وزیر اعظم نریندر مودی کا پیغام پوسٹ کیا جس میں گجرات کے سریندر نگر ضلع میں ایک سڑک حادثے پر تعزیت پیش کی گئی، جس میں سات افراد ہلاک اور دیگر زخمی ہوئے۔13 اپریل 2026 کی اولین ساعتوں میں لکھتر-ویرمگام ہائی وے پر راجکوٹ سے بہوچراجی کی طرف پیدل چلنے والے یاتریوں کو ایک تیز رفتار ٹرک نے ٹکر مار دی، ڈرائیور موقع سے فرار ہو گیا۔اس حادثے میں چھ زائرین اور ایک کھڑا ڈمپر ڈرائیور شامل تھا، جس سے بھارت کے نائب صدر جمہویہ اور لوک سبھا کے اسپیکر کی جانب سے ہمدردی کے پیغامات سمیت فوری سرکاری ردعمل سامنے آیا۔
