دہلی کے نانگلوئی علاقے میں جنتا مارکیٹ کے قریب ایک گھر میں آگ لگ گئی ۔ آگ سے بچنے کے لیے لوگوں نے دوسری منزل سے چھلانگیں لگا دیں۔دہلی فائر بریگیڈ کے اہلکار نے بدھ کو بتایا کہ آگ پیر 17 فروری کی رات 10 بجے لگی۔ واقعے کی ایک ہولناک ویڈیو بھی منظر عام پر آئی ہے، جس میں لوگ دوسری منزل سے چھلانگ لگاتے نظر آ رہے ہیں۔تمام زخمیوں کو اسپتال میں داخل کرایا گیا ہے۔
#दिल्ली
— Gyanendra Shukla (@gyanu999) February 19, 2025
नांगलोई इलाके में गैस लीक बोने से एक घर में बीती रात भीषण आग लग गई, जिससे कई लोग बिल्डिंग में फंस गए थे, इसी दौरान एक शख्स ने हड़बड़ाहट में दूसरी मंजिल से छलाँग लगा दी, ऊंचाई से कूदने से उसे गंभीर चोट आई, उसे अस्पताल में भर्ती कराया गया है. इस घटना का एक वीडियो भी सामने… pic.twitter.com/DFGWEkj846
فائر حکام کے مطابق جوالا پوری علاقے کے تحت وائی-655، موبائل مارکیٹ، جنتا مارکیٹ میں ایک گھر کی پہلی اور دوسری منزل پر رات 9.45 بجے آگ لگنے کی اطلاع ملی۔ لوگوں نے بتایا کہ آگ گھر کی پہلی منزل پر گیس لیکج کی وجہ سے لگی اور آہستہ آہستہ دوسری منزل تک پہنچ گئی۔گھر میں پرانجل (19)، پریتی (40)، پنکج (40)، پون (18)، ویبھو (13) اور شویتا (20) آگ میں بری طرح پھنس گئے تھے ۔انہوں نے اپنی جان بچانے کے لیے چھلانگ لگا دی۔تاہم فائر بریگیڈ کی تین گاڑیاں موقع پر بھیجی گئیں اور کافی کوششوں کے بعد رات گیارہ بجے تک آگ پر قابو پالیا گیا۔لوگوں کے مطابق فائر فائٹرز کے پہنچنے سے پہلے دوسری منزل پر پھنسے چھ رہائشیوں کے پاس اپنی جان بچانے کے لیے چھلانگ لگانے کے سوا کوئی چارہ نہیں تھا۔
فائر ڈائریکٹر اتل گرگ نے بتایا کہ کنٹرول روم کو رات 10 بجے کے قریب آگ لگنے کی اطلاع ملی۔ آگ عمارت کی پہلی اور دوسری منزل پر لگی، خود کو بچانے کے لیے چھ افراد نے دوسری منزل سے چھلانگ لگا دی۔ جس کی وجہ سے وہ زخمی ہو گئے۔ فی الحال سبھی کی حالت مستحکم بتائی جاتی ہے اور آگ لگنے کی وجہ کی جانچ کی جارہی ہے۔ غور طلب ہے کہ حال ہی میں نوئیڈا میں واقع ایک پلاسٹک کمپنی میں زبردست آگ لگی تھی جسے فائر فائٹرز نے لگ بھگ 15 فائر فائٹنگ گاڑیوں کی مدد سے آگ پر قابو پایا تھا۔
15438078-3f11-488a-8409-7a904bbbd5d02022025144226.jpg)
07ecd51e-595b-4652-801c-6e793214fe59202202514629.jpg)
