انگلینڈ نے کلینکل آل راؤنڈ ڈسپلے پیش کرتے ہوئے سری لنکا کو اپنے ICC مینز T20 ورلڈ کپ کے سپر ایٹ مقابلے میں 51 رنز سے شکست دے کر میزبان ٹیم کو 16.4 اوورز میں صرف 95 رنز پر ڈھیر کر دیا۔انگلش کرکٹ ٹیم نے شاندار آل راؤنڈ کارکردگی کا مظاہرہ کرتے ہوئے سری لنکن کرکٹ ٹیم کو آئی سی سی مینز ٹی 20ورلڈ کپ کے سپر ایٹس مرحلے کے اہم میچ میں 51 رنز سے شکست دے دی۔ انگلینڈ نے پہلے بیٹنگ کرتے ہوئے 20 اوورز میں 9 وکٹوں کے نقصان پر 146 رنز بنائے، جس کے جواب میں سری لنکن ٹیم 16.4 اوورز میں صرف 95 رنز پر ڈھیر ہو گئی۔
سری لنکا کی بیٹنگ لائن ناکام
ہدف کے تعاقب میں سری لنکا کا آغاز انتہائی مایوس کن رہا اور پاور پلے میں ہی ٹیم 34 رنز پر 5 وکٹیں گنوا بیٹھی، جو اس ایڈیشن میں فل ممبر ٹیموں کے خلاف ان کا دوسرا کم ترین پاور پلے اسکور رہا۔ جوفرا آرچر نے ابتدائی اوورز میں پاتھم نسانکا اور کامل مشارا کو آؤٹ کر کے انگلینڈ کو مضبوط آغاز فراہم کیا۔ تاہم اصل تباہی ول جیکس نے مچائی، جنہوں نے پاور پلے میں ہی اہم وکٹیں حاصل کیں، جن میں کوسل مینڈس کی کیچ اینڈ بولڈ بھی شامل تھی۔ جیکس نے 3 کھلاڑیوں کو آؤٹ کر کے 22 رنز دیے اور ٹی 20 انٹرنیشنل میں پاور پلے کے دوران تین وکٹیں لینے والے پہلے انگلش اسپنر بن گئے۔ لیام ڈاسن نے بھی نپی تلی بولنگ سے دباؤ برقرار رکھا، جبکہ عادل رشید نے کپتان داسن شناکا کی مزاحمت ختم کر کے میچ مکمل طور پر انگلینڈ کے حق میں کر دیا۔عادل رشید نے آخر میں دلشان مدوشنکا کو بولڈ کر کے فتح پر مہر ثبت کی۔
فل سالٹ کی ذمہ دارانہ بیٹنگ
اس سے قبل انگلینڈ کی ٹیم کو بھی ابتدا میں مشکلات کا سامنا رہا، تاہم فل سالٹ نے 40 گیندوں پر 62 رنز کی اننگز کھیل کر ٹیم کو قابلِ دفاع اسکور تک پہنچایا۔ سری لنکا کی جانب سے دونتھ ویلالاگے نے 3 جبکہ مہیش تھیکشنا نے 2 وکٹیں حاصل کیں۔
مختصر اسکور
انگلینڈ: 146/9 (20 اوورز)
فل سالٹ 62
دونتھ ویلالاگے 3-26، مہیش تھیکشنا 2-21
سری لنکا: 95 آل آؤٹ (16.4 اوورز)
داسن شناکا 30
ول جیکس 3-22، عدیل رشید 2-13، جوفرا آرچر 2-20
اس کامیابی کے ساتھ انگلینڈ نے سری لنکا کے خلاف ٹی 20 انٹرنیشنل مقابلوں میں اپنی مسلسل 12ویں فتح بھی اپنے نام کر لی۔
