حیدرآباد: وزیراعلیٰ اے ریونت ریڈی نے عہدیداروں کو ہدایت دی کہ وہ حیدرآباد میں حسین ساگر کے قرب و جوار میں سنجیویا پارک، این ٹی آر پارک اور اندرا پارک کو جوڑ کر ٹورازم سرکٹ تیار کرنے کے امکانات پر غور کریں۔ حیدرآباد میں محکمہ سیاحت کے حوالے سے منعقدہ ایک جائزہ میٹنگ کے دوران، وزیر اعلیٰ نے حکام کو 10 فروری تک نئی سیاحتی پالیسی کو حتمی شکل دینے کی بھی ہدایت دی۔
ریونت ریڈی نے عہدیداروں سے کہا کہ وہ 10 فروری تک نئی ریاستی سیاحتی پالیسی بنانے سے پہلے مختلف ریاستوں اور دیگر ممالک کی بہترین سیاحتی پالیسیوں کا مطالعہ کریں۔
'ایکو اور مندر کی سیاحت پر توجہ دیں: وزیراعلیٰ
وزیراعلیٰ اے ریونت ریڈی نے یہ تجویز کرتے ہوئے کہاکہ ماحولیات اور مندروں کی سیاحت پر زیادہ توجہ مرکوز کی جانی چاہیے، وزیر اعلیٰ نے کہا کہ سماکا-سرالمہ جتارا کے دوران عقیدت مندوں اور سیاحوں کو راغب کرنے کے لیے ریونیو، جنگلات اور سیاحت کے محکموں کے درمیان ایک مشترکہ ایکشن پلان کی ضرورت ہے۔
انہوں نے مزید کہا کہ سرالمہ جتارا کے دوران قریبی سیاحتی علاقوں اور مندروں کو جوڑنے والا ٹورازم سرکٹ بھی
تیار کیا جانا چاہیے تاکہ زیادہ سے زیادہ سیاحوں کو راغب کیا جا سکے۔
سیاحوں کو راغب کرنے کے لیے منصوبے تیارکریں:وزیراعلیٰ
ریونت ریڈی نے عہدیداروں کو ہدایت دی کہ وہ عادل آباد، ورنگل اور ناگرجناساگر جیسے علاقوں میں ایکو ٹورازم کو فروغ دینے کے منصوبوں پر غور کریں۔ وہیں انہوں نے ریاست میں سیاحت کے بنیادی ڈھانچے کو بہتر بنانے کے لیے سنگاپور جیسے ممالک کی ماحولیاتی سیاحت کی پالیسیوں کا مطالعہ کرنے کی ضرورت پر بھی زور دیا۔
آنے والے گوداوری اور کرشنا پشاکرم کے پیش نظر، ریونت نے عہدیداروں سے کہا کہ وہ ملک بھر سے عقیدت مندوں اور سیاحوں کو راغب کرنے کے لیے منصوبے تیار کریں۔وزیراعلیٰ نے اس بات پر زور دیا کہ نئی سیاحتی پالیسی سے ریاست کو مزید پہچان ملنی چاہئے اور ریاست کے لئے اچھی آمدنی ہونی چاہئے۔
