آندھرا پردیش کے وشاکھاپٹنم میں گیس سلنڈر کے دھماکے میں تین افراد ہلاک اور تین دیگر زخمی ہوگئے۔ حادثہ فشنگ ہاربر کے قریب بکا ویدھی علاقے میں پیش آیا۔ پولیس کی ابتدائی تحقیقات کے مطابق دھماکا اسکریپ کی دکان میں اس وقت ہوا جب کچھ مزدور ویلڈنگ میں مصروف تھے۔ ویلڈنگ کے لیے استعمال ہونے والا سلنڈر پھٹ گیا جس سے دو افراد موقع پر ہی جاں بحق ہو گئے۔ دھماکے کی زد میں آکر جاں بحق افراد کی لاشوں کے ٹکڑے ہوگئے۔ مبینہ طور پر گیس سلنڈرمیں خرابی تھی جس کے نتیجے میں زبردست دھماکہ ہوا۔
مقامی لوگوں کے مطابق دھماکے کی آواز آدھے کلومیٹر دور تک سنی گئی۔دھماکے سے علاقے میں خوف وہراس پھیل گیا اور لوگ بھاگتے بھاگتے بھاگتے رہے۔ پولیس اور فائر سروس کے عملے نے موقع پر پہنچ کر امدادی کارروائیاں شروع کر دیں۔ زخمیوں کو کنگ جارج ہسپتال منتقل کر دیا گیا جہاں ان کی حالت تشویشناک بتائی جاتی ہے۔ حادثے کی اطلاع ملتے ہی پولیس اور ریسکیو ٹیمیں جائے وقوعہ پر پہنچ گئیں ۔اور امدادی کارروائیاں شروع کر دیں۔ زخمیوں کو فوری طور پر علاج کے لیے شہر کے کے جی ایچ اسپتال منتقل کیا گیا۔ جہاں ان کا علاج جاری ہے ۔
وشاکھاپٹنم جنوب کے ایم ایل اے ومسکرشنا سری نواس اور کلکٹر ہریندھیرا پرساد نے جائے حادثہ کا دورہ کیا۔ انہوں نے جاں بحق افراد کے لواحقین اور زخمیوں کے لیے حکومت کی جانب سے تعاون کا یقین دلایا۔عہدیداروں نے بتایا کہ اسکریپ شاپ کے مالک گنیش اور ملحقہ دکان کے مالک سرینو اور متھیالا نامی ایک اور ورکر مارے گئے۔ سکریپ کی دکان پر کام کرنے والے رنگا، یلاجی اور سنیاسی شدید زخمی ہوگئے۔وشاکھاپٹنم کے پولیس کمشنر نے کنگ جارج اسپتال میں زخمیوں کی عیادت کی۔ انہوں نے اسپتال کے سپرنٹنڈنٹ ڈاکٹر وانی اور دیگر ڈاکٹروں سے بات کی اور ان پر زور دیا کہ وہ اس بات کو یقینی بنانے کے لیے اقدامات کریں کہ زخمیوں کی بہترین ممکنہ دیکھ بھال کی جائے۔
دریں اثناء وزیر داخلہ ونگل پوڈی انیتا نے سلنڈر دھماکے پر افسوس کا اظہار کیا۔ اس نے پولیس کمشنر اور فائر سرویس ڈیپارٹمنٹ کے افسران سے فون پر بات کی۔ انہوں نے عہدیداروں کو ہدایت دی کہ وہ زخمیوں کے بہترین علاج کو یقینی بنائیں۔وزیر داخلہ نے مرنے والوں کے اہل خانہ سے تعزیت کا اظہار کیا۔
آندھراپردیش کے وزیراعلی چندرا بابو نائیڈو نے وشاکھاپٹنم گیس سلنڈر پھٹنے کے واقعہ پر اپنے گہرے دکھ کا اظہارکیا۔ انہوں نےحادثہ میں مرنے والوں کے اہل خانہ سے تعزیت کا اظہار کیا۔ حادثہ میں ہلاک افراد کے لواحقین کودس لاکھ روپے ایکس گریشا دینے کا اعلان کیا ۔
