لاکھوں لوگوں کے دلوں میں اپنا مقام بنانے والے معروف اداکار دھرمیندر اب لوگوں کے بیچ تو نہیں ہیں،لیکن ان سے وابسطہ رہنے والے افراد اب بھی انہیں یاد کر انسے اپنی وابستگی کو بیان کر رہے ہیں۔ اپنے آخری ایام میں جب وہ ہسپتال میں داخل تھے تو ایسا لگتا تھا جیسے پورا بالی ووڈ انہیں دیکھنے کے لیے جمع ہو گیا ہو۔ انہی ستاروں میں سے ایک ماضی کی مشہور اداکارہ ممتاز بھی تھیں۔ تاہم، ممتاز نے حال ہی میں انکشاف کیا کہ انہیں دھرمیندر سے ملنے کی اجازت نہیں دی گئی۔اور انہیں آخری دیدار سے محروم کر دیا گیا۔
ممتاز آخری بار دھرمیندر کا چہرہ نہ دیکھ سکی:
نیوز بائٹس کی رپورٹ کے مطابق ممتاز نے ایک انٹرویو میں انکشاف کیا کہ جب دھرمیندر کو ممبئی کے بریچ کینڈی ہسپتال میں داخل کرایا گیا تو وہ ان سے ملنے گئی لیکن ان کی کوشش ناکام رہی۔ اس نے بتایا کہ وہ تقریباً 30 منٹ تک باہر انتظار کرتی رہی، لیکن ہسپتال کے عملے نے اسے اندر نہیں جانے دیا کیونکہ وہ وینٹی لیٹر پر تھے۔ اس سے ممتاز کو بہت دکھ ہوا، کیونکہ وہ دھرمیندر سے ملنا چاہتی تھی اور ان کی صحت کے بارے میں پوچھنا چاہتی تھی، لیکن حالات کی وجہ سے وہ ایسا کرنے سے قاصر تھی۔
دھرمیندر اور ممتاز کی زندگی بھر کی دوستی:
70 اور 80 کی دہائی میں ممتاز اور دھرمیندر کی جوڑی سلور اسکرین پر بہت مقبول رہی۔ انہوں نے کئی فلموں میں ایک ساتھ کام کیا اور اسی دوران ان کی گہری دوستی کا آغاز ہوا۔ جیسے جیسے وقت گزرتا گیا، دونوں اپنی زندگی میں آگے بڑھتے گئے، لیکن ان کی دوستی میں کبھی کمی نہیں آئی۔ اس دوستی کو کئی بار سوشل میڈیا پر بھی اجاگر کیا گیا، جب ممتاز اور دھرمیندر شوز میں ایک ساتھ نظر آئے۔
واضح رہے کہ دھرمیندر کافی عرصے سے بیمار تھے۔ انہیں بریچ کینڈی اسپتال میں داخل کرایا گیا تھا۔ انہیں سانس لینے میں دشواری ہو رہی تھی۔ رفتہ رفتہ انکی حالت خراب ہوتی گئی،جسکے بعد انہیں وینٹی لیٹر پر منتقل کر دیا گیا۔ تاہم 24 نومبر 2025 کو تمام طبی کوششوں کے بعد وہ انتقال کر گئے۔
