ہندوستانی ٹیم کے اسٹار گیند باز جسپریت بمراہ کو 2024 کا بہترین ٹیسٹ کرکٹر منتخب کیا گیا ہے۔انہیں 'آئی سی سی ٹیسٹ کرکٹر آف دی ایئر' کے ایوارڈ سے نوازا گیا ہے۔ بھارت کے اسٹار فاسٹ باؤلر جسپریت بمراہ کے علاوہ انگلینڈ کے تجربہ کار بلے باز جو روٹ، انگلینڈ کے نوجوان بلے باز ہیری بروک اور سری لنکا کے کامندو مینڈس کو بھی اس ایوارڈ کے لیے نامزد کیا گیا تھا لیکن بمراہ نے ان سب کو پیچھے چھوڑ کر یہ ایوارڈ اپنے نام کر لیا ہے۔
بمراہ یہ ایوارڈ جیتنے والے چھٹے ہندوستانی ۔
بمراہ 'آئی سی سی ٹیسٹ کرکٹر آف دی ایئر' کا ایوارڈ جیتنے والے چھٹے ہندوستانی بن گئے ہیں۔ان سے پہلے راہول ڈریوڈ (2004)، گوتم گمبھیر (2009)، وریندر سہواگ (2010)، روی چندرن اشون (2016) اور ویراٹ کوہلی (2018) بھی یہ اعزاز حاصل کر چکے ہیں۔اس کے ساتھ ہی ہندوستان نے 'آئی سی سی ٹیسٹ کرکٹر آف دی ایئر' ایوارڈ جیتنے والے سب سے زیادہ کھلاڑیوں کے معاملے میں آسٹریلیا کے ریکارڈ کی برابری کر لی ہے۔ آسٹریلیا کے چھ کھلاڑی بھی یہ اعزاز حاصل کر چکے ہیں۔
سال 2024 میں بمراہ کی کارکردگی کیسی رہی؟
بمراہ نے گزشتہ سال ٹیسٹ کرکٹ میں کل 13 ٹیسٹ میچ کھیلے، 26 اننگز میں 14.92 کی اوسط اور 2.96 کی اکانومی کے ساتھ 71 وکٹیں حاصل کیں۔اس دوران انہوں نے 5 مرتبہ 5 وکٹیں حاصل کیں۔ ان کی بہترین کارکردگی 6/45 وکٹیں تھیں۔وہ پچھلے سال سب سے زیادہ وکٹیں لینے والے بولر رہے۔ انگلینڈ کے گس اٹکنسن 11 میچوں میں 52 وکٹیں لے کر دوسرے نمبر پر رہے۔
بمراہ کا ٹیسٹ کیریئر کیسا رہا؟
بمراہ نے اپنے ٹیسٹ کیریئر کا پہلا میچ 2018 میں جنوبی افریقی کرکٹ ٹیم کے خلاف کھیلا تھا۔وہ اب تک 45 میچ کھیل چکے ہیں۔ انہوں نے 86 اننگز میں 19.40 کی اوسط اور 2.76 کی اکانومی سے 205 وکٹیں حاصل کیں۔انہوں نے 13 مرتبہ 5 وکٹیں اپنے نام کیں۔ ان کی بہترین کارکردگی 6/27 رہی ہے۔بمراہ نے انگلینڈ کرکٹ ٹیم کے خلاف اپنے ٹیسٹ کیریئر میں سب سے زیادہ وکٹیں (60) حاصل کی ہیں۔
