حیدرآباد میں جوبلی ہلز اسمبلی حلقہ کے ضمنی انتخاب میں پولنگ ووٹوں کی گنتی کا مرحلہ تیار ہے۔یوسف گوڑا کے کوٹلہ وجئے بھاسکر ریڈی اسٹیڈیم میں سخت حفاظتی انتظامات کیے گئے تھے۔ جہاں گنتی جمعہ کی صبح 8 بجے شروع ہوگی۔انتخابی حکام نے گنتی کے لیے 42 ٹیبلز تیار رکھےہیں، اور پورا عمل 10 راؤنڈز میں مکمل کیا جائے گا۔
چیف الیکٹورل آفیسر سی سدرشن ریڈی کے مطابق ضمنی انتخاب میں 48.49 فیصد رائے دہندگان نے اپنا ووٹ ڈالا۔کل 1,94,631 ووٹ پول ہوئے۔ حکام نے بتایا کہ 99,771 مرد، 94,855 خواتین اور پانچ دیگر نے اپنا ووٹ ڈالا۔ پوسٹل بیلٹس کی تعداد 101 ہے۔حلقے میں کل 4,01,365 ووٹرز ہیں جن میں 2,08,561 مرد، 1,92,779 خواتین اور 25 دیگر شامل ہیں۔کل 103 غیر حاضر ووٹرز (85 سال سے اوپر اور معذور افراد) نے پوسٹل بیلٹ کے لیے اپنے اختیار کا استعمال کیا، اور ان میں سے، 101 نے پوسٹل بیلٹ ووٹنگ کا استعمال کیا۔
58 امیدواروں کی قسمت کا کھولےگا تالا
بھارت راشٹرا سمیتی (BRS) کے ، ایم ایل اے مگنتی گوپی ناتھ کی موت کی وجہ سے ہونے والے ضمنی انتخاب میں 58 امیدوار میدان میں ہیں۔بی آر ایس نے گوپی ناتھ کی اہلیہ سنیتا کو میدان میں اتارا، جو حکمراں کانگریس پارٹی کے نوین یادو کے ساتھ براہ راست مقابلہ میں ہیں۔ بی جے پی نے ایک بار پھر لنکلا دیپک ریڈی کو میدان میں اتارا۔
راؤنڈ بائی راؤنڈ نتائج
صبح 8 بجے شروع ہونے والی ووٹوں کی گنتی کل 10 راؤنڈ تک جاری رہے گی۔ نتائج کا اعلان مرحلہ وار کیا جائے گا۔ عہدیدار انتخابی میدان میں 58 امیدواروں کے ساتھ نوٹا کے لیے ڈالے گئے ووٹوں کی تعداد کا اعلان کریں گے۔ دریں اثناء گنتی مرکز پر سخت تین درجاتی سکیورٹی قائم کی گئی ہے۔ اس کے علاوہ سی سی ٹی وی کیمروں سے نگرانی اور مسلح افواج کی 24 گھنٹے حفاظت ہوگی۔ حکام نے بتایا کہ اسٹیڈیم کے 100 میٹر کے اندر پابندیاں نافذ ہوں گی۔
کانگریس امیدوارنوین یادو کی جیت:ایگزٹ پولس
کئی سرکردہ ایجنسیوں کے ایگزٹ پول بتاتے ہیں کہ کانگریس بی آر ایس سے سیٹ چھیننے والی ہے۔ کانگریس پارٹی کو 46-48 فیصد ووٹ حاصل کرنے کا امکان ہے، جبکہ بی آر ایس کو 41-42 فیصد ووٹوں کے ساتھ پیچھے رہنے کا امکان ہے۔ بی جے پی محض 6-8 فیصد ووٹوں کے ساتھ تیسرے نمبر پر رہ سکتی ہے۔
30سے 50 ہزار کی اکثریت سے جیت کا یقین
تلنگانہ پردیش کانگریس کمیٹی (ٹی پی سی سی) کے صدر مہیش کمار گوڑ اور کئی وزراء، جنہوں نے ضمنی انتخاب میں سرگرمی سے مہم چلائی، کو یقین ہے کہ حکمراں پارٹی 30,000 سے 50,000 ووٹوں کے فرق سے جیت جائے گی۔
سیٹ برقرارکھنے بی آر ایس کو امید
بی آر ایس قائدین نے اس اعتماد کا اظہار کیا کہ پارٹی اس سیٹ کو برقرار رکھے گی حالانکہ انہوں نے حکمراں پارٹی کی طرف سے بڑے پیمانے پر بے ضابطگیوں کو کہا تھا۔
بی جے پی بھی جیت کےلئےپْراعتماد
ریاستی بی جے پی صدر این رام چندر راؤ بھی پارٹی کے ضمنی انتخاب جیتنے پر پراعتماد ہیں۔
2023الیکشن کے نتائج
2023 میں بی آر ایس کے گوپی ناتھ نے اپنے قریبی حریف کانگریس پارٹی کے محمد اظہر الدین کو 16,337 ووٹوں کے فرق سے شکست دے کر ہیٹ ٹرک بنائی تھی۔بی آر ایس امیدوار نے 80,549 ووٹ حاصل کیے جبکہ اظہر الدین نے 64,212 ووٹ حاصل کیے۔ بی جے پی کے دیپک ریڈی 25,866 ووٹوں کے ساتھ تیسرے نمبر پر رہے۔ AIMIM کے فراز الدین صرف 7,848 ووٹوں کے ساتھ چوتھے نمبر پر رہے۔اس بار حیدرآباد کے ایم پی اسد الدین اویسی کی قیادت میں اے آئی ایم آئی ایم نے کانگریس امیدوار کی حمایت کی۔
