 (2)6d26bd3a-44cc-4f35-9c98-a3e99c2aa5082242026162855.jpg)
بھارتی کرکٹررنکو سنگھ اس وقت انڈین پریمیئر لیگ 2026 میں کولکتہ نائٹ رائیڈرز کے لئے کھیل رہے ہیں، جہاں وہ نائب کپتان کے طور پر بھی خدمات انجام دے رہے ہیں۔ ٹیم کی کارکردگی کا آغاز سست رہا، تاہم ساتویں میچ میں پہلی فتح نے امیدیں بڑھا دی ہیں۔ کولکتہ کا اگلا مقابلہ لکھنؤ سپر جائنٹس کے خلاف ہے، جس کے لیے ٹیم لکھنؤ پہنچ چکی ہے۔ اس دوران رنکو سنگھ نے اپنی منگیتر پریا سروج کے ساتھ وارانسی کا دورہ کیا۔
21 اپریل کو جوڑا وارانسی پہنچا، جہاں انہوں نے کاشی وشوناتھ مندر میں پوجا کی اور آشیرواد حاصل کیا۔ سوشل میڈیا پر تصاویر شیئر کرتے ہوئے انہوں نے لکھا:"کاشی — مہادیو کی سرزمین اور گنگا کا مقدس سنگم۔"مندر میں وقت گزارنے کے بعد، دونوں نے گنگا کنارے کشتی کی سواری کی اور شام کو دشاشوامیدھ گھاٹ پر گنگا آرتی میں شرکت کی۔
شادی کی خبریں
رنکو سنگھ اورپریا سروج کی شادی کے حوالے سے قیاس آرائیاں زور پکڑ رہی ہیں۔ رپورٹس کے مطابق یہ جوڑا جون کے پہلے ہفتے میں شادی کر سکتا ہے۔ اطلاعات یہ بھی ہیں کہ تقریب تاج ہوٹل وارانسی میں منعقد ہو سکتی ہے، جہاں دونوں اس وقت قیام پذیر ہیں۔
ذرائع کے مطابق وارانسی کا یہ دورہ نہ صرف روحانی اہمیت رکھتا ہے بلکہ ممکنہ طور پر شادی کی تیاریوں کا جائزہ لینے کے لیے بھی استعمال کیا جا رہا ہے۔
کرکٹ کیریئر
رنکو سنگھ بھارت کے لیے ون ڈے اور ٹی20 انٹرنیشنل میں ڈیبیو کر چکے ہیں اور محدود اوورز کے فارمیٹ میں اپنی جارحانہ بیٹنگ کے باعث نمایاں مقام حاصل کر چکے ہیں۔ وہ 2018 سے آئی پی ایل میں مسلسل کولکتہ نائٹ رائیڈرز کا حصہ ہیں۔
