بہار کے کشن گنج ضلع سے ایک چونکا دینے والا معاملہ سامنے آیا ہے۔ خاتون کو قتل کرنے کے بعد نوجوان تھانے پہنچ گیا اور خود کو پولیس کے حوالے کر دیا۔ پولیس اسٹیشن پہنچنے کے بعد اس نے پولیس کو بتایا کہ اس نے قتل کیا ہے۔ یہ سن کر پولیس والے بھی کچھ دیر کے لیے چونک گئے۔
ٹاؤن تھانہ علاقے کے تحت پچہلا پنچایت کے پٹلوا گاؤں میں دو دن پہلے ایک 21 سالہ شادی شدہ خاتون نوری کی لاش مکئی کے کھیت سے برآمد ہوئی تھی۔ لاش برآمد ہونے کے بعد نوری کے والد نے اس کے سسرال والوں پر قتل کا الزام لگایا تھا۔ اس کے بعد پولیس نے گزشتہ جمعرات (27 مارچ 2025) کو فوری کارروائی کرتے ہوئے مقتول کے سسر اور بہنوئی کو گرفتار کر کے عدالتی تحویل میں جیل بھیج دیا۔ گزشتہ جمعہ (28 مارچ 2025) کو مبینہ عاشق نے خود پولیس اسٹیشن پہنچ کر ہتھیار ڈال دیے۔
عاشق نے خاتون کو قتل کر کے لاش کو کھیت میں پھیک کا فرار ہو گیا تھا ملزم نوجوان کا نام بھٹو ہے۔ جس خاتون کی لاش ملی ہے اور نوجوان دونوں پڑوس میں رہتے تھے۔ جن پہچان ہونے کے بعد ان کی محبت بڑھتی گئی لیکن نوجوان کی شادی ہو گئی تو کچھ دنوں بعد نوری خاتون سے دوری اختیار کرنا شروع کر دی۔ نوجوان کا کہنا تھا کہ نوری اسے اپنے ساتھ بھاگنے پر مجبور کر رہی تھی اور دھمکیاں دے رہی تھی کہ اگر اس نے اس سے شادی نہیں کی تو وہ اس کے گھر آ جائے گی۔ اس کے بعد نوجوان نے نوری کو اس سے ملنے کھیت میں بلایا اور وہاں اسے قتل کر کے لاش کھیت میں دفن کر دی۔
اس واقعے کے بعد کھیت کے مالک نے لاش کو دیکھا۔ اس کے بعد اس معاملے کی اطلاع پولیس کو دی گئی۔ پولیس نے خاتون کی لاش کو نکال لیا۔ پوسٹ مارٹم کے لیے بھیج دیا۔ نوری کی تین ماہ کی بیٹی بھی ہے۔ اہل علاقہ نے مقدمہ میں گرفتار مقتول کے سسرال والوں کی رہائی کا مطالبہ کیا ہے۔ اس معاملے میں پولیس سپرنٹنڈنٹ ساگر کمار نے کہا کہ ایک نوجوان نے خودسپردگی کر دی ہے۔ نوجوانوں سے پوچھ گچھ کی جائے گی اور قانونی کارروائی کی جائے گی۔
