طیارہ حادثہ میں ہلاک مہاراشٹر کے نائب وزیر اعلی اجیت پوار کی آج گیارہ بجے دن آخری رسومات اداکی جائے گی ۔ اجیت پوار کی جسد خاکی کو ان کے آبائی گاوں لایا گیا ہے ۔ جہاں عوام کے دیدار کیلئے رکھا گیا ہے ۔ مرکزی وزیر داخلہ امت شاہ اجیت پوار کی آخری رسومات میں شرکت کرنے والے ہیں ۔ آخری رسومات میں اہلِ خانہ اور سیاسی رہنما موجود ہیں، اور گاؤں میں عوام اور کارکنان کی بڑی تعداد بھی پہنچ رہی ہے تاکہ انہیں خراجِ عقیدت پیش کیا جا سکے۔
وہیں مہاراشٹر کے سابق نائب وزیر اعلیٰ اجیت پوار کے انتقال کے بعد شہر بھر میں بند دیکھا گیا۔ اسکول، دکانیں اور کاروباری مراکز بند ہے، جبکہ عوام اور کارکنان نے اجیت پوار کے لیے تعزیت کا اظہار کر رہے ہیں۔ شہری علاقوں میں خاموشی چھائی ہوئی ہے اور سیاسی رہنماؤں سمیت مقامی لوگ اجیت پوار کی خدمات کو خراجِ عقیدت پیش کر رہے رہیں۔
مرکزی وزیر داخلہ امیٹ شاہ سمیت کئی رہنما شرکت کریں گے
اجیت پوار کی آخری رسم میں مرکزی وزیر داخلہ امیٹ شاہ اور بھارتیہ جنتا پارٹی کے قومی صدر نتن نبین سمیت کئی رہنماؤں کے شرکت کرنے کا امکان ہے۔ اجیت کے چچا شرد پوار، چچیری بہن سوپریا سلے اور خاندان کے دیگر ارکان کے علاوہ چیف منسٹر دیویندر فڈنویس، ڈپٹی چیف منسٹر ایک ناتھ شنڈے، سابق چیف منسٹر ادھو تھاکرے، آدتیہ تھاکرے اور ریاستی کابینہ کے وزراء بھی بارامتی میں موجود ہیں۔ انتظامی افسران کا کہنا ہے کہ اجیت کی یاد میں بارامتی میں ایک یادگار تعمیر کی جائے گی۔
کل ہوا تھا حادثے میں انتقال
اجیت پوار بارامتی میں پونے ضلع کونسل کے انتخابات کے سلسلے میں بدھ کو پارٹی کی میٹنگ کے لیے ممبئی سے پہنچے تھے۔ تبھی صبح 8:45 بجے بارامتی ایئرپورٹ پر فلیٹ رن وے کے کنارے سے محض 200 میٹر کی دوری پر ان کا چارٹرڈ طیارہ حادثے کا شکار ہو گیا اور اس میں دھماکے کے ساتھ آگ لگ گئی۔ حادثے میں طیارے میں اجیت کے ساتھ ایک سیکورٹی اہلکار، ایک فلائٹ اٹینڈنٹ اور 2 پائلٹ سوار تھے، جن کی موقع پر ہی جل کر موت ہو گئی۔
