ایک لڑکی کے ساتھ 8 نوجوانوں نے اجتماعی عصمت دری کی۔ پولیس نے متاثرہ کی شکایت پر مقدمہ درج کرلیا۔ پولیس نے ملزمین کو گرفتار کر لیا ہے جو لڑکی اور اس کے اہل خانہ سے واقف ہیں۔یہ واقعہ گجرات کےضلع نوساری میں پیش آیا۔ ونسدا شہر کی حدود میں ایک گاؤں کی رہنے والی 15 سالہ لڑکی 7 جنوری کی رات تقریباً 10.30 بجے اپنے روزمرہ کے کاموں کے لیے گھر سے نکلی تھی۔
اسی دوران بائک پر سوار تین نوجوانوں نے لڑکی کو دیکھا۔ اس کے بعد ایک ملزم نے اپنے دوسرے دوستوں کو بلایا اور گاڑی لے کر چیک ڈیم پہنچنے کو کہا۔ آٹھوں ملزمان کے وہاں جمع ہونے کے بعد انہوں نے لڑکی کو دھمکی دی اور یکے بعد دیگرے اس کی عصمت دری کی۔لڑکی اور اس کے گھر والوں کے جاننے والے تینوں نے اسے اغوا کر لیا۔ وہ اسے ڈھائی کلومیٹر ، دور ایک گھر میں لے گئے۔ وہاں پانچ اور نوجوان بھی تھے۔ ان میں سے آٹھ نے لڑکی کے ساتھ اجتماعی عصمت دری کی۔
دوسری جانب باہر گئی لڑکی گھر واپس نہ آئی تو اس کے گھر والے پریشان ہوگئے۔ انہوں نے اسے ہر جگہ تلاش کیا۔ جمعرات کی صبح جب لڑکی گھر واپس آئی۔ اور اپنی والدہ کو اطلاع دی۔ والدہ نے پولیس میں شکایت درج کراوائی۔ ونسدا پولیس اور نوساری ایل سی بی کی پوچھ گچھ کے دوران لڑکی نے بتایا کہ اسے موٹر سائیکل پر لے جانے والے تین افراد اس کے دوست تھے۔ پولیس نے تینوں ملزمان کو حراست میں لے لیا، باقی پانچ کے نام حاصل کر لیے، اور تمام ملزمان کو گرفتار کر لیا۔اس کے بعد اس کے اہل خانہ نے پولیس اسٹیشن میں شکایت درج کروائی۔
دریں اثنا، پولیس نے POCSO ایکٹ کی مختلف دفعات اور بھارتیہ نیا سنہیتا کے دفعات کے تحت مقدمہ درج کیا ہے اور آٹھ نوجوانوں کو گرفتار کیا ہے۔ ایک پولیس افسر نے بتایا کہ ملزمان میں سے سات کی عمر 20 سال ہے اور ایک نابالغ ہے۔ چکھلی کے ڈپٹی سپرنٹنڈنٹ آف پولیس بی وی گوہل نے بتایا کہ جمعرات کو ایک شکایت کی بنیاد پر، ایک مقدمہ درج کیا گیا اور آٹھ ملزمان کو گرفتار کر کے 7 دن کی ریمانڈ پر بھیج دیا گیا۔
