ملک کی باوقارعثمانیہ یونیورسٹی کا84واں کانووکیشن کی تایخ کا اعلان ہوچکا ہے۔ عثمانیہ یونیورسٹی کا 84 واں کانووکیشن 19 اگست کو منعقد کیا جائےگا۔ اس کانووکیشن میں مہمان خصوصی اسرو کے چیئرمین ڈاکٹر وی نارائنن ہوں گے۔ اورکانووکیشن سے خطاب کریں گے۔ تقریب کی صدارت ریاستی گورنر اور یونیورسٹی کے چانسلرجشنو دیو ورما کریں گے۔
دریں اثنا، متعلقہ حکام نے ایک بیان جاری کر کے ڈگریاں لینے والے امیدواروں سے پہلے ہی درخواست دینے کو کہا ہے۔ جن لوگوں نے تعلیمی سال 2022-23، 2023-24 میں تمام ڈپلومہ، یو جی، پی جی، ایم فل وغیرہ کورسز مکمل کیے ہیں اور گولڈ میڈل حاصل کیے ہیں (بشمول فاصلاتی تعلیم کے موڈ) کانووکیشن میں اپنی ڈگریاں اور تمغے حاصل کرنے کے لیے درخواست دیں۔ عثمانیہ یونیورسٹی کنٹرولر آف امتحانات پروفیسر ششی کانت نے ایک حالیہ بیان میں کہا کہ اس سال 6 اگست تک پی ایچ ڈی کی ڈگریاں حاصل کرنے والے بھی درخواست دے سکتے ہیں۔ انہیں مشورہ دیا جاتا ہے کہ وہ عثمانیہ یونیورسٹی کی ویب سائٹ ww.osmania.ac.in پر لاگ ان کرکے اور متعلقہ فیس ادا کرکے اپنے ناموں کا اندراج کریں۔
کانووکیشن میں تمام پی ایچ ڈی کی ڈگریاں، پی جی، ایم فل اور پی ایچ ڈی کورسز کو گولڈ میڈل سے نوازا جائے گا۔ انہوں نے کہا کہ یو جی گولڈ میڈل کانووکیشن کے بعد متعلقہ کالجز سے حاصل کیے جاسکتے ہیں۔ انہوں نے کہا کہ جمعہ سے آن لائن درخواست دینے کی سہولت فراہم کر دی گئی ہے۔ انہوں نے کہا کہ جو لوگ کانووکیشن میں ڈگریاں حاصل کرنا چاہتے ہیں وہ 7 اگست تک درخواست دے سکتے ہیں۔ انہوں نے کہا کہ وہ 12 تاریخ تک جرمانے کی فیس کے ساتھ درخواست دے سکتے ہیں۔
واضح رہےکہ حیدرآباد دکن کے ساتویں نظام میر عثمان علی خان نے 29 اگست 1917 کو ایک فرمان جاری کرکے یونیوسٹی قائم کی۔ یہ پہلی ہندوستانی یونیورسٹی تھی جس نے اردو کو تدریسی زبان کے طور پر استعمال کیا۔ سال 2012 تک، یونیورسٹی 80 سے زیادہ ممالک کے 3,700 بین الاقوامی طلباء نے تعلیم حاصل کی۔
عثمانیہ یونیورسٹی دنیا کے سب سے بڑے یونیورسٹی سسٹمزمیں سے ایک ہے جس کے کیمپسز اور ملحقہ کالجوں میں 300,000 سے زیادہ طلباء ہیں۔ یونیورسٹی کے قایم ہوکر تقریباً 108سال ہو چکےہیں۔
