رچہ کنڈہ اسپیشل آپریشن ٹیم نے مقامی پولیس کے ساتھ مل کر ایک بین ریاستی منشیات فروخت کرنے والے ریکٹ کا پردہ فاش کیا۔ پولیس نے جمعہ کو حیات نگر میں چار افراد کو گرفتار کیا اور 50 لاکھ روپے کی 166 کلو گرام گانجہ، ایک کار اور 4موبائل فون، جس کی مالیت 65 لاکھ روپے ہے، ضبط کیا۔
گرفتار شدگان میں وکاس ببن سالوے، ایک پینٹر، رنگناتھ یوراجن ساڈوے، ساگر گجانن اور امول نارائن بورڈے شامل ہیں، سبھی مہاراشٹر کے رہنے والے ہیں۔پولیس کے مطابق، وکاس ببن سالوے جو منشیات کا کاروبار کرکے آسانی سے پیسہ کمانا چاہتا تھا، میک عرف راہل سے رابطہ کیا، جو اڈیشہ سے منشیات کا اہم ذریعہ ہے۔
رچہ کنڈہ پولیس کمشنر جی سدھیر بابو، نے کہا کہ "پوکاس نے مشاہدہ کیا کہ مہاراشٹر کے بہت سے تعمیراتی اور یومیہ اجرت والے مزدور منشیات کی لت میں مبتلا ہیں، اس نے اپنے دوستوں کے ساتھ مل کر چرس بیچ کر تیزی سے پیسہ کمانے کا منصوبہ بنانے کی ترغیب دی،"۔یہ گینگ اڈیشہ سے چرس منگواتاتھا اور حیدرآباد میں اسمگل کرتے تھے، جسے ٹرانزٹ روٹ کے طور پر استعمال کیا جاتا ہے اور اسے مہاراشٹرا پہنچایا جاتا تھا، جہاں اسے زیادہ قیمت پر فروخت کیا جاتا تھا۔
19 جون کو یہ گروہ اڈیشہ کے ملکانگیری گیا اور راہل سے 166 کلوگرام گانجہ اکٹھا کیا اور اسے حیدرآباد کے راستے مہاراشٹرا ایک کار میں لے جا رہے تھے،وہ حیات نگر میں پکڑے گئے۔پولیس حکام نے بتایا کہ راہول کا سراغ لگانے اور اسے پکڑنے کی کوششیں جاری ہیں، جو فی الحال مفرور ہے۔
