لوک سبھا میں آج 11 فروری کو قائد حزب اختلاف راہل گاندھی نے بجٹ پر بحث کے دوران حکومت کو کڑی تنقید کا نشانہ بنایا۔ انہوں نے بجٹ کو "عام سا" قرار دیتے ہوئے کہا کہ اس میں کچھ خاص نہیں ہے۔ راہل گاندھی نے الزام لگایا کہ حکومت دباؤ میں ہے اور ملک کا سودا کر رہی ہے۔ انہوں نے سخت الفاظ استعمال کرتے ہوئے کہا کہ حکومت کو شرم آنی چاہیے کہ انہوں نے بھارت ماتا کو بیچ دیا ہے اور (امریکہ کے سامنے) سرینڈر کر دیا ہے۔
تجارتی معاہدے سے بھارت کو فائدہ نہیں ہوگا:
راہل گاندھی نے بھارت-امریکہ تجارتی معاہدے (India-US Trade Deal) پر سوال اٹھاتے ہوئے کہا:وزیراعظم نریندر مودی نے امریکہ کی شرائط پر ڈیل کی ہے جس سے بھارت کی درآمدات (Imports) میں اضافہ ہوگا۔ اس معاہدے سے بھارت کو نہیں بلکہ امریکہ کو فائدہ پہنچے گا۔ اگر کانگریس اقتدار میں ہوتی تو امریکہ سے برابری کی سطح پر بات کرتی۔
امریکہ اور چین کی نظر بھارت کے ڈیٹا پر ہے:
راہل گاندھی نے ڈیٹا سیکیورٹی کا مسئلہ اٹھاتے ہوئے کہا: امریکہ اور چین بھارت کے ڈیٹا پر نظریں جمائے ہوئے ہیں اور حکومت اسے بیچ رہی ہے۔امریکہ کو اپنا ڈالر بچانے کے لیے بھارت کا ڈیٹا چاہیے۔راہل گاندھی نے براہِ راست ڈونلڈ ٹرمپ کو مخاطب کرتے ہوئے کہا، "صدر ٹرمپ، اگر آپ بھارت کے ڈیٹا تک رسائی چاہتے ہیں تو یہ جان لیں کہ آپ ہم سے برابری کی سطح پر بات کریں گے، نوکروں کی طرح نہیں۔ ہماری توانائی کی حفاظت (Energy Security) ہمارا حق ہے اور ہم ہر حال میں اس کا تحفظ کریں گے۔
انہوں نے مزید کہا کہ ہم سمجھتے ہیں کہ ٹرمپ کو اپنے کسانوں کا تحفظ کرنا ہے، لیکن ہم بھی اپنے کسانوں کی حفاظت کریں گے۔
ہم ایک خطرناک دور میں جی رہے ہیں:
وزیراعظم کے اس قول کہ "یہ جنگ کا دور نہیں ہے" پر تبصرہ کرتے ہوئے راہل نے کہا: ہم استحکام سے عدم استحکام کے دور کی طرف بڑھ رہے ہیں اور درحقیقت ہم جنگوں کے دور میں داخل ہو رہے ہیں۔انہوں نے روس یوکرین اور اسرائیل حماس جنگ کا ذکر کرتے ہوئے کہا کہ ڈالر کو چیلنج مل رہا ہے اور دنیا ایک نئی سمت میں جا رہی ہے جس کی پیش گوئی کرنا مشکل ہے۔
بی جے پی کا ردعمل:الزامات بے بنیاد ہیں:
راہل گاندھی کے خطاب کے دوران ایوان میں شدید ہنگامہ ہوا۔ بی جے پی لیڈروں نے ان الزامات کو مسترد کر دیا:انہوں نے کہا کہ راہل گاندھی کو اپنے الزامات ثابت کرنے ہوں گے، ورنہ معافی مانگنی ہوگی۔ ملک کو کسی نے نہیں بیچا۔انہوں نے راہل گاندھی کو "جھوٹا" قرار دیتے ہوئے کہا کہ کانگریس کے دور میں کرپشن عام تھی، جبکہ بی جے پی نے ملک کو مضبوط بنایا ہے۔ انہوں نے امریکہ کے ساتھ تجارتی معاہدے کو بھارت کے حق میں قرار دیا۔
 (5)a51087c4-8fb3-4e97-8b8b-125c46a6bd9e1122026164831.jpg)