آئی پی ایل 2025 میں آج سن رائزرز حیدرآباد اور لکھنؤ سپر جائنٹس کے آمنے سامنے ہوگی۔ یہ میچ ہندوستانی وقت کے مطابق شام 7:30 بجے شروع ہوگا۔ ہم آپ کو بتاتے ہیں کہ SRH اپنا پہلا میچ جیت کر آ رہا ہے، وہیں لکھنؤ کو اپنے پہلے میچ میں دہلی کیپٹلس سے ایک وکٹ سے شکست ہوئی تھی۔ چونکہ آج کے میچ میں کئی بہترین بلے باز کھیلتے نظر آئیں گے۔ لیکن کیا آپ جانتے ہیں کہ آج کے میچ میں 2 ایسے کھلاڑی کھیلیں گے، جن کی آئی پی ایل میں قیمت 50 کروڑ روپے ہے۔
اگر سن رائزرز حیدرآباد اور لکھنؤ سپر جائنٹس کے اسکواڈ پر نظر ڈالیں تو ان میں 2 ایسے کھلاڑی ہیں، جو آئی پی ایل 2025 میں سب سے زیادہ معاوضہ لینے والے کھلاڑیوں میں شامل ہیں، ان میں پہلا نام رشبھ پنت کا ہے، جنہیں لکھنؤ سپر جائنٹس نے 27 کروڑ روپے دیکر ٹیم میں شامل کیا تھا۔ اس کے ساتھ وہ آئی پی ایل کی تاریخ کے سب سے مہنگے کھلاڑی بھی بن گئے۔ دوسرا نام Heinrich Klaasen کا ہے، جنہیں SRH نے 23 کروڑ روپے میں اپنے ٹیم میں برقرار رکھا تھا۔
رشبھ پنت اور کلاسن نے آئی پی ایل 2025 میں ٹیم کے لئے ابھی تک صرف ایک ایک ہی میچ میں نمائندہ کی ہیں۔ ایل ایس جی کے کپتان پنت دہلی کیپٹلس کے خلاف میچ میں صفر کے اسکور پر آؤٹ ہوئے جبکہ دوسری جانب کلاسن نے اپنے پہلے میچ میں 14 گیندوں پر 34 رنز کی دھواں دار اننگز کھیلی۔
سن رائزرس حیدرآباد نے آئی پی ایل 2025 میں اپنے پہلے ہی میچ میں 286 رنز بنائے جس میں ایشان کشن نے ناقابل شکست 106 رنز بنائے۔ ایس آر ایچ ٹیم میں ٹریوس ہیڈ، ابھیشیک شرما اور ہینرک کلاسن جیسے شاندار بلے باز ہیں۔ لکھنؤ نے بھی ٹورنامنٹ کے اپنے پہلے میچ میں 200 سے زیادہ رنز بنائے تھے۔ 2 مضبوط ترین بیٹنگ لائن اپ والی ٹیموں کے درمیان میچ میں یقینی طور پر رنز کی بارش ہونے والی ہے۔
