e95ab60f-7305-406d-86a9-0b62736d6893278202615453.png)
مہاراشٹرا کے سائبرسیل نے بدھ کو ممبئی میں سائبر فراڈ سے آگاہی کے لیے ایک مختصر فلم اور 1930 کا مہاراشٹرا سائبر ترانہ لانچ کیا۔ تقریب میں مہاراشٹرا کے وزیر اعلیٰ دیویندر فڑنویس کے ساتھ اداکار آشیش ودیارتھی، پنکج ترپاٹھی اور کامیڈین سمے رینہ سمیت کئی مشہور شخصیات موجود تھیں سمے رینہ نے اس مختصر فلم اور ترانے میں بھی تعاون کیا ہے۔ تقریب کے دوران وزیر اعلیٰ دیویندر فڈنویس نے سمے کا استقبال کیا اور انہیں مبارکباد دی۔
سمے رینہ نے پولیس کے بارے میں کیا مذاق کیا؟
مبارکباد ملنے پر سمے رینہ نے مہاراشٹرا سائبر سیل کے ساتھ اپنے پرانے تعلق کا ذکر کیا اور مذاق کرتے ہوئے کہا کہ 1930 ایک بہت بڑا نمبر ہے اور انہوں نے یہ نمبر اپنے فون میں محفوظ کر رکھا ہے کیونکہ انہیں وہاں سے اکثر فون آتے ہیں۔ انہوں نے سائبر سیل کی تعریف کرتے ہوئے کہا کہ یہ ادارہ بہت فعال ہے اوراگر کوئی شخص ان کی نظر میں آ جائے تو وہ اسے تلاش کر لیتے ہیں۔ اس کے بعد سمے نے اپنے ساتھ پیش آنے والے ایک پرانے واقعے کا بھی مذاق کے انداز میں ذکر کیا۔ انہوں نے کہا کہ ایک بار سائبر سیل کے افسر صبح سویرے ان کے گھر پہنچ گئے تھے۔ یہ بات دراصل ان کے شو "انڈیاز گاٹ لیٹنٹ" سے جڑے پچھلے تنازعے کی طرف اشارہ تھا۔
انڈیاز گاٹ لیٹنٹ کا تنازعہ کیا تھا؟
سمے رینہ کا یوٹیوب شو "انڈیاز گاٹ لیٹنٹ" گزشتہ سال ایک بڑے تنازعے میں گھِر گیا تھا۔ اس تنازعے کی وجہ ایک ویڈیوں بنی تھی جس میں پوڈکاسٹر رنویر الہ آبادیہ نے ایک امیدوار سے والدین کے بارے میں نامناسب سوال کیا تھا۔ اس پر لوگوں نے شدید اعتراض کیا اور سوشل میڈیا پر بھی کافی تنقید ہوئی۔ اس معاملے کے بعد سمے رینہ، رنویر الہ آبادیہ اور شو سے وابستہ کچھ دوسرے لوگوں کے خلاف پولیس میں شکایات اور ایف آئی آر درج کی گئیں۔ مہاراشٹرا سائبر سیل نے بھی اس معاملے کی تحقیقات کی تھیں۔ بعد میں سمے رینہ نے شو کی پرانی تمام اقساط یوٹیوب سے ہٹا دی تھیں۔
شو دوبارہ شروع ہو چکا ہے
اب سمے رینہ نے "انڈیاز گاٹ لیٹنٹ" کا دوسرا سیزن بھی شروع کر دیا ہے۔ اس کی پہلی قسط 20 جون کو جاری کی گئی تھی۔ نئے سیزن کو یوٹیوب کے ساتھ ساتھ نیٹ فلکس پر بھی دکھایا جا رہا ہے۔ اس طرح ممبئی کی تقریب میں سمے رائنا کی موجودگی خاص طور پر توجہ کا مرکز بنی، کیونکہ وہ اسی سائبر سیل کے پروگرام میں موجود تھے جس نے کچھ عرصہ پہلے ان کے شو سے متعلق معاملے کی تحقیقات کی تھیں۔
19d15f60-21fc-4548-a28a-9a6a363d479d2782026151021.png)
e7989824-1538-4e75-86ed-ea61ff7cfaf02782026135950.png)
