7c0e812a-f0b5-42c2-aa5b-2be29761a90b18202673847.jpg)
ہندوستان کے ایتھلیٹ تیجسون شنکر نے کامن ویلتھ گیمز 2026 میں شاندار کارکردگی کا مظاہرہ کرتے ہوئے ڈیکاتھلون مقابلے میں کانسی کا تمغہ جیت لیا۔ اس کامیابی کے ساتھ وہ ہندوستان کے لیے تمغہ جیتنے والے پہلے کھلاڑی بن گئے۔ 27 سالہ تیجسون شنکر نے گھٹنے کی انجری کے باوجود ہمت نہیں ہاری اور دو دن تک جاری رہنے والے 10 مختلف مقابلوں میں مجموعی طور پر 7,976 پوائنٹس حاصل کرکے کانسی کا تمغہ اپنے نام کیا۔ گریناڈا کے لنڈن وکٹر نے 8,096 پوائنٹس کے ساتھ گولڈکا تمغہ جیتا، جبکہ کینیڈا کے ڈیمین وارنر نے 8,036 پوائنٹس حاصل کرکے چاندی کا تمغہ اپنے نام کیا۔
انجری کے باوجود شاندار واپسی
مقابلے کے آغاز میں ہی تیجسون شنکر کو گھٹنے کی انجری کا سامنا کرنا پڑا، جس کی وجہ سے انہیں ہائی جمپ ایونٹ سے دستبردار ہونا پڑا۔ اس کے بعد ان کے باقی مقابلوں میں حصہ لینے پر بھی سوالات اٹھنے لگے، لیکن انہوں نے ہمت نہیں ہاری اور آخرکار ہندوستان کے لیے تاریخی تمغہ جیت لیا۔
مختلف مقابلوں کی کارکردگی
100 میٹر سپرنٹ میں تیجسون نے 10.96 سیکنڈ میں ریس مکمل کی اور اپنی ہیٹ میں آخری پوزیشن پر رہے۔ لانگ جمپ میں انہوں نے 7.82 میٹر کی ذاتی بہترین چھلانگ لگائی۔ شاٹ پٹ میں وہ ساتویں نمبر پر رہے، جبکہ ہائی جمپ میں 2 میٹر کی رکاوٹ عبور کرنے والے واحد کھلاڑی رہے۔ 400 میٹر دوڑ میں انہوں نے 49.51 سیکنڈ کے ساتھ اپنی ہیٹ میں چوتھی پوزیشن حاصل کی۔ دوسرے دن ہرڈلزکی دوڑ میں وہ دوسرے نمبر پر رہے۔ ڈسکس تھرو میں انہوں نے 40.44 میٹر کی ذاتی بہترین تھرو کی اور چھٹے نمبر پر رہے۔ پول والٹ میں تیجسون آٹھویں نمبر پر رہے، لیکن جیولین تھرو میں 53.12 میٹر کی بہترین کوشش کے ساتھ زبردست واپسی کرتے ہوئے مجموعی اسٹینڈنگ میں تیسری پوزیشن حاصل کر لی اور کانسی کا تاریخی تمغہ جیت لیا۔
605a3902-4030-47de-96a7-0785b96ead5218202693554.jpg)
fc55e217-56ba-480b-b42b-fcdc043a590c18202683231.jpg)
c5ecc4e5-501d-4871-9ea5-92d51ac5124e18202671115.jpg)
