تلنگانہ حکومت نے پیرکو اندراما انڈلو اسکیم کا آغاز کیا۔ اس اسکیم کے تحت کور اربن ریجن اکانومی (کیور) خطہ میں غریبوں کے لیے مکانات تعمیر کیے جائیں گے۔ کم آمدنی والے گروپ ہاؤسنگ ٹاورز آؤٹر رنگ روڈ (ORR) کی حدود میں تعمیر کیے جائیں گے۔اس موقع پر ریاستی وزراء اور ایم آئی ایم کے، ایم ایل ایز نے تقریب میں شرکت کی۔ اور اس اسکیم کو غریب خاندانوں کے لیے اہم قدم قرار دیا۔ تلنگانہ وزراء پونگولیٹی سری نواس ریڈی، پونم پربھاکر، ڈی سریدھر بابو اور محمد اظہرالدین نے ریاستی سکریٹریٹ میں منعقدہ ایک پروگرام میں اس اسکیم کا آغاز کیا۔
وزرا نے جاری کئے بروشر
وزراء نے بروشر، اسکیم کے طریقہ کار، اہلیت اور درخواست کے طریقہ کار کی نقاب کشائی کی۔ تلنگانہ کے وزیرِ ہاؤسنگ پونگولیٹی سرینواس ریڈی نے کہا کہ حکومت مکانوں کی تقسیم میں نہ کسی کی سیاسی وابستگی، دیکھے گی ۔اور نہ ہی ذات یا مذہب دیکھے گی۔بلکہ ہر ایسے مستحق خاندان کو گھر فراہم کرنے کی کوشش کرے گی جس کے پاس اپنا گھر نہیں ہے۔وزیرِ اقلیتی فلاح محمد اظہرالدین نے اس موقع کو تاریخی قرار دیا۔
شہر کے26اسمبلی حلقوں میں مکانات کی تعمیر
تلنگانہ ہاؤسنگ بورڈ سرکاری اراضی پر سماج کے کمزور طبقات سے تعلق رکھنے والے بے گھر غریبوں کے لیے ٹاور تعمیر کرے گا۔ پہلے مرحلے کے تحت، حکومت کیور ریجن کے 26 اسمبلی حلقوں میں سے ہر ایک میں 500 مکانات تعمیر کرے گی۔ پائلٹ فیز میں 7680 فلیٹس بنائے جائیں گے۔ بعد میں اسے ایک لاکھ مکانات کے مکمل پروگرام تک بڑھا دیا جائے گا۔
سبسڈی اور درخواست فیس
حکومت ہاؤسنگ ٹاورز کے لیے زمین فراہم کرے گی اور ہر ہاؤسنگ یونٹ کے لیے 5 لاکھ روپے کی سبسڈی میں توسیع کرے گی۔ ہاؤسنگ بورڈ نے استفادہ کنندگان کا حصہ 6 لاکھ روپے مقرر کیا۔انھوں نےایل آئی جی فلیٹس کے لیے درخواست کی فیس کے طور پر 100 روپے اور ای ایم ڈی کے طور پر 10,000 روپے بھی مقرر کیے ہیں۔ اگر درخواست گزاروں کو مکانات کی منظوری نہیں دی گئی تو ہاؤسنگ بورڈ ای ایم ڈی واپس کر دے گا۔
21 جوالائی سے درخواستوں کا آغاز
وہ خاندان جو گزشتہ 10 سالوں سے حیدرآباد کے رہائشی ہیں اور جن کی سالانہ آمدنی 6 لاکھ روپے تک ہے درخواست دینے کے اہل ہیں۔ درخواستیں 21 جولائی سے10 اگست تک وصول کی جائیں گی۔ ہاؤسنگ بورڈ نے ہاؤسنگ ٹاورز بنانے کے لیے عارضی طور پر17 مقامات کی نشاندہی کی ہے۔ ہر فلیٹ کا کارپٹ ایریا 400 مربع فٹ اور بلٹ اپ ایریا 528 مربع فٹ ہوگا۔
تلنگانہ چھونپڑیوں سےپاک ریاست ہوگی
ٹرانسپورٹ اور پسماندہ طبقات کی بہبود کی وزیر پونم پربھاکر نے کہا کہ ان علاقوں میں بھی گھر بنائے جائیں گے جہاں زمین کی قیمت 2 سے 3 لاکھ روپے فی مربع گز ہے۔ وزیر صنعت و انفارمیشن ٹکنالوجی ڈی سریدھر بابو نے کہا کہ حکومت تلنگانہ کو جھونپڑیوں سے پاک ریاست بنانے کا عزم رکھتی ہے۔
ایل آئی جی ہاؤسنگ ٹاورز
انہوں نے کہا۔"پچھلی کانگریس حکومت کے دوران، ہم نے غریب اور متوسط طبقے کے خاندانوں کو سستی رہائش فراہم کرنے کے لیے شہر کے کئی حصوں میں ایل آئی جی ہاؤسنگ ٹاورز تعمیر کیے تھے۔ اسی جذبے کے ساتھ، ہم اب کیور کے علاقے میں اندراما ہاؤسنگ (ایل آئی جی ہاؤسنگ ٹاورز) پروجیکٹ شروع کر رہے ہیں،"۔وزیر نے ذکر کیا کہ تلنگانہ رائزنگ – 2047 ویژن کے ایک حصے کے طور پر، حکومت نے ریاست کی معیشت کو 2034 تک امریکی 1 ٹریلین اور 2047 تک امریکی3 ٹریلین تک پھیلانے کا ہدف مقرر کیا ہے۔ اس وژن کو حاصل کرنے اور متوازن، جامع ترقی کو یقینی بنانے کے لیے، ریاست کو کیور، پیور ڈیولپمنٹ، اور میں تقسیم کیا گیا ہے۔
ایک اور تاریخی ترقی
"حیدرآباد کیور ویژن کا مرکزی نقطہ ہے۔ ہمارا مقصد نہ صرف حیدرآباد کو ایک عالمی شہر کے طور پر ترقی دینا ہے بلکہ اس بات کو یقینی بنانا ہے کہ اس ترقی کے فوائد شہر میں رہنے والے غریب اور متوسط طبقے تک پہنچیں۔ یہ کیور ویژن کے پیچھے بنیادی نظریہ ہے۔ یہ ایل آئی جی ہاؤسنگ ٹاورز، جو CURE خطہ کے تحت شروع کیے جارہے ہیں، اس وژن کی عکاسی ہیں۔" انہوں نے کہا کہ حیدرآباد میں ایک اور تاریخی ترقی ہے۔
شہری ہاؤسنگ سیکٹرکیلئےنیا معیار
وزیر نے امید ظاہر کی کہ آنے والے سالوں میں یہ منصوبہ ملک میں شہری ہاؤسنگ سیکٹر کے لیے ایک نیا معیار قائم کرے گا اور اسی طرح کے اقدامات کے لیے ایک ماڈل کے طور پر کام کرے گا۔انہوں نے کہا۔"دیہی علاقوں کے برعکس، شہری علاقوں کو ہاؤسنگ کی ترقی کے لیے زمین کی شدید رکاوٹوں کا سامنا ہے۔ اس چیلنج پر قابو پانے اور غریب اور متوسط طبقے کے خاندانوں کے لیے گھر کی ملکیت کے خواب کو پورا کرنے کے لیے، ہم سیکڑوں کروڑ روپے کی زمین پر ایل آئی جی ہاؤسنگ ٹاورز تعمیر کریں گے،"
10فیصد کوٹہ ریزرو
انہوں نے یقین دلایا کہ حکومت مستفیدین کے انتخاب اور مکانات کی الاٹمنٹ میں مکمل شفافیت کو یقینی بنائے گی تاکہ صرف اہل خاندان ہی اندراما مکانات حاصل کرسکیں۔مقررہ رہنما خطوط کے مطابق، 10 فیصد گھر اہل آؤٹ سورسنگ ملازمین، کنٹریکٹ ورکرز، اور صفائی کے کارکنوں کو الاٹ کیے جائیں گے۔
