تلنگانہ کے ریاستی وزیر محمد اظہرالدین نے کہا کہ بی جے پی لیڈر کشن ریڈی کے تبصرے پر کہا کہ انہیں کسی کے حب وطنی سرٹیفکیٹ کی ضرورت نہیں ہے۔ وزیرکی حیثیت سے حلف لینے کے بعد گفتگو کرتے ہوئے اظہرالدین نے کہا کہ ان پر صرف الزامات ہیں۔ انہوں نے کہا کہ بی جے پی اور بی آر ایس قائدین کی طرف سے جو تنقیدیں کی جارہی ہیں وہ درست نہیں ہیں۔ انہوں نے واضح کیا کہ ان کے خلاف کسی ایک کیس میں بھی کوئی جرم ثابت نہیں ہوا۔ اظہر الدین نے جمعہ کو تلنگانہ کے وزیر کے طور پر حلف لیا۔ راج بھون میں منعقدہ ایک تقریب میں گورنر جشنو دیو ورما نے انہیں حلف دلایا۔
حب الوطنی کےسرٹیفکیٹ کی ضرورت نہیں
وزیر کی حیثیت سے حلف اٹھانے کے بعد اظہرالدین نے میڈیا سے بات کرتے ہوئے کہا کہ انہیں وزیر کی حیثیت سے حلف لےکر خوشی ہوئی ہے۔ انہوں نے یہ عہدہ دینے کے لیے کانگریس قیادت کا شکریہ ادا کیا۔ بعد میں، انہوں نے کشن ریڈی کے تبصروں کا جواب دیا۔ کشن ریڈی نے واضح کیا کہ وہ جو چاہیں گے بولیں گے۔ انہوں نے واضح کیا کہ انہیں حب الوطنی پر کسی کے سرٹیفکیٹ کی ضرورت نہیں ہے۔ وہ اس بات پر برہم تھے کہ ان پر کافی عرصے سے الزامات لگائے جا رہے ہیں۔
وزارت سے جوبلی ہلز ضمنی انتخابات کا تعلق نہیں
اظہرالدین نے کہا کہ ان کے وزارتی عہدہ کا جوبلی ہلز کے انتخابات سے کوئی تعلق نہیں ہے۔ انہوں نے کہا کہ انہیں کابینہ میں شامل کرنا سی ایم ریونت ریڈی اور ہائی کمان کا فیصلہ تھا۔ انہوں نے کہا کہ وہ تمام طبقات کے لوگوں کی فلاح و بہبود اور ترقی کے لیے کام کریں گے۔ انہوں نے کہا کہ انہیں یقین ہے کہ وہ انصاف کریں گے چاہے انہیں کوئی بھی محکمہ دیا جائے۔
ملک کوبدنام کرنےوالے کو وزرت
دریں اثناء کشن ریڈی نے کل اظہرالدین پر تنقید کی کہ وہ ایک ایسا شخص ہے جس نے غداری کا ارتکاب کیا اور ہندوستان کا نام بدنام کیا۔ انہوں نے تبصرہ کیا کہ کانگریس کی طرف سے ایسے شخص کو وزیر کا عہدہ دینا جمہوریت کی توہین ہے۔ انہوں نے کہا کہ ان کے خلاف کئی مقدمات ہیں۔ کشن ریڈی نے سوال کیا کہ کانگریس ایسے شخص کو کس طرح گورنر کے کوٹہ کے تحت ایم ایل سی بنا سکتی ہے جس نے ملک کی عزت کو نقصان پہنچایا ہو۔ انہوں نے شک ظاہر کیا کہ اے آئی ایم آئی ایم پارٹی جو ہمیشہ جوبلی ہلز سے مقابلہ کرتی ہے، اس بار کیوں نہیں لڑ رہی ہے۔ انہوں نے تنقید کرتے ہوئے کہا کہ مجلس امیدوار کانگریس پارٹی کے امیدوار کی آڑ میں الیکشن لڑ رہا ہے۔
مہیش کمار گوڑ نے کشن ریڈی کو کیا چیلنج
ٹی پی سی سی کے صدرمہیش کمار گوڈ نے مرکزی وزیر اور سینئربی جے پی لیڈر کشن ریڈی کو چیلنج کیا ہے۔ انہوں نے سوال کیا کہ اگر اظہرالدین کو وزارتی عہدہ دیا جاتا ہے تو بی جے پی لیڈر اتنے پریشان کیوں ہیں؟ انہوں نے کشن ریڈی سے کہا کہ وہ اپنے خلاف مقدمات کا جواب دیں۔ انہوں نےکہا کہ اظہرالدین نے بھارتی نیشنل کرکٹ ٹیم کے کپتان کی حیثیت سے کئی فتوحات حاصل کی ہیں۔رکن پارلیمنٹ کی حیثیت سےعوام کی خدمت کی ہے۔ انہوں نے کہا کہ بی جے پی لیڈروں کا ایسے شخص کو وزارتی عہدہ دینے پر سوال اٹھانا عجیب بات ہے۔ مہیش کمار گوڑ نے کہا کہ انہیں وزارتی عہدہ دینے کا فیصلہ تین ماہ قبل کیا گیا تھا۔
