اتراکھنڈ میں یکساں سول کوڈ (UCC) نافذ ہو گیا ہے۔ وزیر اعلی پشکر سنگھ دھامی نے وزیر اعلی کی رہائش گاہ پر واقع چیف سیوک سدن میں کوڈ کے مینوئل اور پورٹل ucc.uk.gov.in کا افتتاح کیا۔دھامی نے ہفتہ کو کہا تھا کہ یہ قانون معاشرے میں یکسانیت لائے گا اور تمام شہریوں کے لیے مساوی حقوق کی ذمہ داریوں کو یقینی بنائے گا۔7 فروری 2024 کو اسمبلی نے اس سے متعلق ایک بل پاس کیا۔ اسے صدر سے 12 مارچ کو منظوری ملی۔ پھر 14 مارچ کو حکومت نے یکساں سول کوڈ کو لاگو کرنے سے پہلے اپنے قواعد تیار کرنے کا فیصلہ کیا۔
UCC قانون کیا ہے؟
یو سی سی کا مطلب ہے یکساں قانون جو ملک کے تمام حصوں پر لاگو ہو۔اس وقت ملک میں تمام مذاہب کے پاس شادی، طلاق اور وراثت جیسے مسائل پر اپنے ذاتی قوانین ہیں اور وہ ان کے مطابق چلتے ہیں۔اگر یو سی سی لاگو ہوتا ہے تو تمام مذاہب کے لوگوں کو ان مسائل پر یکساں قوانین پر عمل کرنا پڑے گا۔اتراکھنڈ کے بعد آسام اور کچھ دیگر ریاستیں بھی یو سی سی کو لاگو کرنے پر غور کر رہی ہیں۔
یو سی سی کے نفاذ سے کیا تبدیلیاں ہوں گی؟
یو سی سی کے نفاذ کے بعد تمام مذاہب میں شادی، طلاق، نفقہ اور وراثت کے لیے ایک ہی قانون ہوگا۔ طلاق اور نکاح کی رجسٹریشن ضروری ہو گی۔لڑکے کی شادی کی کم از کم عمر 21 سال اور لڑکی کی 18 سال ہوگی۔ تمام مذاہب میں شوہر اور بیوی کو طلاق کا یکساں حق حاصل ہوگا اور بیٹے، بیٹی اور بیوی کو جائیداد میں برابر کا حق حاصل ہوگا۔
لیو ان ریلیشن شپ میں رہنے کے لیے رجسٹریشن ضروری :
اتراکھنڈ میں یو سی سی کے نفاذ کے بعد، لیو ان ریلیشن شپ میں رہنے والے لوگوں کو رجسٹر کرنا ہوگا۔ ایسا نہ کرنے کی صورت میں چھ ماہ قید یا 25000 روپے جرمانہ یا دونوں سزائیں ہو سکتی ہیں۔اگر رشتہ میں کوئی بچہ پیدا ہوا ، تو اس کا برتھ سرٹیفکیٹ بھی پیش کرنا ہوگا۔ اس دوران پیدا ہونے والے بچے جائز بچے تصور کیے جائیں گے اور انہیں بھی حقوق ملیں گے۔
دھامی نے 2022 کے انتخابات میں یو سی سی کا کیا تھااعلان ۔
چیف منسٹر دھامی نے فروری 2022 میں انتخابات کے دوران یو سی سی کا اعلان کیا تھا۔ مئی 2022 میں سپریم کورٹ کے ریٹائرڈ جج رنجنا پرکاش دیسائی کی سربراہی میں 5 رکنی ماہرین کی کمیٹی تشکیل دی گئی ۔کمیٹی نے 72 میٹنگیں کیں، 20 لاکھ تجاویز لیں اور 2.50 لاکھ لوگوں سے تبادلہ خیال کیا۔ بل کا مسودہ فروری 2024 میں وزیر اعلیٰ کو پیش کیا گیا تھا۔یہ بل 7 فروری 2024 کو اسمبلی میں پیش کیا گیا اور اگلے ہی دن منظور کر لیا گیا۔ صدر نے 11 مارچ 2024 کو بل کی منظوری دی۔
