اپنے نام کو لیکر ہمیشہ سرخیوں میں رہنے والے بہار کے مشہور ٹیچر خان سر کی رسیپشن پارٹی میں بڑے سے بڑے ہستیوں کی آمد ہوئی ،ہرکسی نے خان سر کو مبارک باد پیش کی۔ اس دوران بہار کے سابق نائب وزیر اعلی تیجسوی یادو ،خان سر کو مبارکباد دیتے ہوئے پوچھا کہ بیاہ (نکاح)کب کر لیے ،جس پر خان سر نے دلچسپ انداز میں جواب دیا۔جو کہ سوشل میڈیا پر خوب وائرل ہے۔
تیجسوی کے سوال پر خان سر نے کیا کہا؟
خان سر کو مبارکباد دیتے ہوئے تیجسوی نے ان سے انکی شادی کے بارے میں پوچھا۔ اس نے پوچھا بیاہ (نکاح )کب ہوا آپ کا ؟ اس کے جواب میں خان سر نے ہنستے ہوئے دلچسپ انداز میں جواب دیا۔ خان سر نے کہا جب ہندوستان اور پاکستان کے درمیان جنگ چل رہی تھی تو ہم نے آپ کا ہی ماڈل اپنایا سر، چپ چاپ(خاموشی) سے شادی کر کے بعد میں بتانا ہے۔یہ سن کر تیجسوی حیران رہ گئے اور ماحول قہقہوں میں بدل گیا۔ خان سر نے بتایا کہ شادی میں صرف 12-13 لوگ موجود تھے اور سب کو بعد میں اطلاع دی گئی۔ تیجسوی اور خان سر کی مزاحیہ گفتگو کا یہ ویڈیو سوشل میڈیا پر وائرل ہے۔
खान सर भले ही पढ़ने पढ़ाने में अव्वल दर्जे के शिक्षक है।
— 𝙎𝘼𝙉𝙅𝘼𝙔 𝙎𝙄𝙉𝙂𝙃 𝙎𝙀𝙉𝙂𝘼𝙍 (@Mrsanjaysengar) June 3, 2025
मगर शादी ब्याह के मामले में एकदम अनारी थे।
तेजस्वी यादव वाला फार्मूला चुराया तब जाकर शादी में सफलता मिली 🤓🤣 pic.twitter.com/yVpvNr3waR
طلباء کے لیے پارٹی کب؟
آپ کو بتاتے چلیں کہ خان سر نے پاک بھارت کشیدگی کے درمیان بغیر کسی کو اطلاع کے شادی کر لی اور یہ معلومات انہوں نے کلاس میں بچوں کو پڑھاتے ہوئے دی ۔ اس نے بتایا کہ اس کی شادی اے ایس خان نامی لڑکی سے ہوئی ہے۔ جس کے بعد اس کلاس کا ویڈیو کلپ سوشل میڈیا پر وائرل ہوگیا۔ پھر تمام کو اس شادی کا علم ہوا۔ اس وائرل ویڈیو میں خان سر نے اپنے طلباء کے لیے الگ پارٹی منعقد کرنے کا اعلان بھی کیا۔ جہاں انہوں نے اپنے طلباء کے ساتھ مل کر 6 جون کو پارٹی کی تاریخ طے کی ہے۔2جون کو ہونے والے استقبالیہ میں دنیائے تعلیم سے تعلق رکھنے والے بہت سے لوگ اور سیاست کی دنیا کے لیڈروں نے شرکت کی۔سب نے خان صاحب کو مبارکباد دی۔
